Пролетно чистење: 10 лесни и едноставни чекори за дом од насловна на списание

Пролетно чистење: 10 лесни и едноставни чекори за дом од насловна на списание

Пролетта е годишно време кога сите ние сакаме широко да ги отвориме прозорците и да уживаме во нашиот чист и миризлив дом. Доколку сте едни од оние кои го одложувале сезонското чистење на домот, тогаш денес ви ги издвојуваме најдобрите совети за една таква работна акција. Некои од нив бараат повеќе време, но нека не ве обесхрабрува тоа, бидејќи на крајот вашиот дом ќе заблеска како никогаш досега.

1-proletno-chistenje-na-domot-10-lesni-i-ednostavni-chekori-za-dom-kako-od-magazin-www.kafepauza.mk_

1. Земете ја скалата и започнете да ги „освојувате“ горните полици и фиоки

Многумина го заобиколуваат чистењето на тешко достапните делови од мебелот, како што се горните полици и фиоки, бидејќи тоа им претставува голем проблем. Доколку им се посветувате еднаш годишно, тогаш одвојте време кое ќе го поминете на скалата чистејќи, но и да ги отстраните непотребните предмети. А кога сте веќе горе, не заборавајте со метла да ја исчистите пајажината која привремено се насобира во горните агли од ѕидовите и таванот.

2. Пресметајте се со прашината на ролетните и завесите

Се сеќавате ли кога последен пат сте ги исчистиле вашите ролетни од прашината и нечистотијата? Не? Тогаш сега е вистинскиот момент да ги средите. Доколку имате доволно време, можете да ги исперете завесите или пак да ги однесете на хемиско чистење. Доколку сепак не успеале да се извалкаат, тогаш ви препорачуваме да ги истресете за во следните неколку месеци да не потемнат од насобраната прашина.

3. Нова, свежа облека за стариот тепих

Потргнете го мебелот и исчистете под него. Доколку имате некаков тепих, тогаш искористете ја оваа прилика и добро исчистете го. За таа цел побарајте помош од професионалец кој ќе направи вашиот стар тепих да изгледа како нов. Еднаш годишно би требало да му обезбедите на вашиот тепих ваков третман кој ќе му донесе свежи и чист изглед.

4-proletno-chistenje-na-domot-10-lesni-i-ednostavni-chekori-za-dom-kako-od-magazin-www.kafepauza.mk_

4. Истерајте ги бактериите од вашиот кревет

Чаршафите, душеците и перниците секојдневно собираат прашина, пот и плунка, што може да предизвика насобирање на голем број бактерии. Погрижете се најмалку еднаш годишно темелно да го исчистите креветот од бактериите и останатите микроскопски грозотии кои шетаат по него.

5. Заборавени предмети во фотелјата и каучот

Доколку се одлучите да го исчистите вашиот тапациран мебел, ќе се изненадите од многуте монети, пенкала или разни ситни предмети кои ќе ги извлечете од прашливите агли на фотелјата и каучот. Кој вели дека чистењето не може да биде забавно? Доколку со години имате мебел кој е тапациран, ќе посакате професионалните чистачи на теписи да ја направат својата магија и во дневната соба, откако ќе ги средат вашите теписи. Подобро вложете во нивното одржување еднаш годишно отколку да морате да купувате нови теписи и фотелји.

6. Миење на прозорците

Миењето на прозорците во текот на сончев пролетен ден претставува навистина добитна комбинација – додека ве милуваат топлите сончеви зраци, вие вежбате, а на крајот можете да уживате во погледот низ совршено чистите прозорци. Не заборавајте додека ги чистите прозорците да ги исчистите и рамките во кои понекогаш може да се насобере доста прашина.

3-proletno-chistenje-na-domot-10-lesni-i-ednostavni-chekori-za-dom-kako-od-magazin-www.kafepauza.mk_

7. Средете го прашливиот хаос на полиците за книги

Кога на полиците за книги би стоеле исклучиво книги, тогаш нивното чистење би било лесна задача која би ја решиле во неколку потези. Меѓутоа, тие честопати се затрупани со фигури, фотографии, вазни и останати предмети, па нивното чистење постојано го одложуваме. Би било добро ситните предмети да ги соберете во некој поголем стаклен сад. На тој начин ќе заштедите време, додека прашината од полиците за книги ќе можете полесно да ја избришете.

8. Непријатното изненадување зад кујнските елементи

Се восхитувате на вашата кујна која блеска? Мислите дека навистина е чиста? Проверете каква е состојбата, на пример, зад фрижидерот и печката или пак зад некои други кујнски елементи. Непријатно ќе се изненадите кога ќе забележите што сѐ, освен насобрана прашина и парчиња храна можете да пронајдете таму. А кога веќе сте го повлекле фрижидерот, одвојте уште некоја минута и исчистете ги намотките на кондензаторот од прашината, за тој да работи поефикасно и да троши помалку енергија.

9. Темелно внатрешно миење на домашните апарати

Пролетното чистење е одлична прилика за да ги исчистите вашите домашни апарати, а во првиот ред спаѓаат фрижидерот, печката и машината за садови. Само внимавајте додека го чистите фрижидерот или замрзнувачот – сместете ја целата храна во некој поголем сад со мраз, за да не се одмрзне и расипе. Неудобните мириси најдобро ќе ги отстраните со вода во која ќе додадете оцет. Кога ќе ја враќате храната назад во фрижидерот, обидете се да ја наредите на начин кој секогаш ќе ве мотивира така да ја редите за да биде поуредно.

Машината за садови најдобро ќе ја исчистите од тврдокорниот бигот така што ќе ја вклучите празна и ќе ставите во неа еден филџан оцет. Тоа е воедно и една од најлесните задачи на листата со активности од вашето пролетно чистење, па затоа немојте да ја прескокнете.

10. Не заборавајте на подрумот

Барем еднаш годишно прегледајте го рокот на траење на сите намирници кои се наоѓаат во вашиот подрум. Отстранете ги од полицата сите оние пакувања на кои им истекол рокот и избришете ги полиците. Ќе се изненадите кога ќе откриете колку храна ви пропаднала само затоа што сте биле зафатени и заборавени. Нека ова биде вашата мотивација за подобро редење на храната во подрумот.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар