Претходно
Непроценливата мудрост на професорот Дамблдор од „Хари Потер“ за животот и надежта
Сите љубители на приказната за малиот волшебник многу добро знаат кој е Дамблдор и колкава мудрост поседува тој лик од серијалот за Хари Потер на Џ. К. Роулинг. Дамблдор е гласот на разумот на Хари Потер, неговиот водич и ментор. Неговите мудри зборови ќе ви влеат надеж и ќе ве насочат на правиот пат, дури и тогаш кога ситуацијата ќе ви се чини безизлезна. Дозволете овој моќен волшебник да стане и вашиот глас на разумот барем за момент и прочитајте ги неговите мудри мисли кои ќе ви ја вратат вербата и ќе ве натераат на размислување…
„Хари, нашиот избор покажува кои сме навистина многу подобро од нашите способности.“
„Среќата може да се најде дури и во најмрачните времиња, само ако човек се сети да го запали светлото.“
„Според моето не толку скромно мислење, зборовите се нашиот непресушен извор на магија. Тие можат да предизвикаат болка, но и да ја излечат.“
„Не ги жалете мртвите. Жалете ги живите, а најмногу оние кои живеат без љубов.“
„Доколку ја потиснувате болката некое време, таа ќе биде многу посилна кога конечно ќе ја почувствувате.“
„Се плашиме од непознатото само кога размислуваме за смртта и мракот, ништо повеќе.“
„Староста е глупава и заборавена кога ја потценува младоста.“
„Нема да успеете доколку живеете во вашите соништа, а заборавите да го живеете животот, запаметете го тоа.“
„Вистината е и прекрасна и ужасна, затоа треба да се користи многу внимателно.“
„Чудно, но оние кои треба да ја имаат власта, можеби се оние кои никогаш не ја барале моќта да владеат.“
„Важно е да се борите, повторно да се борите и да продолжите да се борите, бидејќи само така злото ќе може да се држи под контрола, но никогаш целосно да се искорени.“
„Потребна е голема храброст за да им се спротивставиме на нашите непријатели, но исто толкава храброст е потребна и за да им се спротивставиме на нашите пријатели.“
„Сите мора да се соочиме со изборот помеѓу тоа што е правилно и тоа што е лесно да се направи.“
„И на најдобрите им се случува да си ги изедат зборовите.“
„Младоста не може да знае како се чувствува и размислува староста, но старите се виновни доколку заборават како е да се биде млад.“
„Иако доаѓаме од различни места и зборуваме различен јазик, нашите срца чукаат како едно.“
„Болката е дел од секој човек. Фактот што можете да почувствувате толкава болка е вашата најголема моќ.“
„Што повеќе пари и живот! Ова се двете работи што секој човек би ги одбрал како најважни. Проблемот е што луѓето честопати го одбираат токму она што е најлошо за нив.“
„Мораме да се обидеме да не потонеме во нашиот очај, туку да го пребродиме.“
„Силни сме онолку колку што сме обединети, а слаби – онолку колку што сме поделени.“
