Зошто високите потпетици се вистинскиот избор за вас?

Зошто високите потпетици се вистинскиот избор за вас?

Изборот на чевлите е една од најголемите дилеми на секоја жена. Почнувајќи од тоа која боја ѝ одговара на облеката, до тоа дали да одбере рамни или чевли со високи потпетици, одлуката е сѐ потешка. Можеби одењето на балетанки или во патики е побезболно, но еве неколку причини зошто сепак треба да се одлучите за високи потпетици:

0-zoshto-visokite-potpetici-se-vistinskiot-izbor-za-vas-kafepauza.mk

Високите потпетици ја зголемуваат вашата самодоверба

Кај сите нас постои мал проблем со самодовербата кога станува збор за физичкиот изглед и убавината. Високите потпетици решаваат дел од овој проблем со тоа што ќе направат жената да се чувствува секси и убаво. Моќта на чувството дека го привлекувате вниманието на секој маж во просторијата е непроценлива за подигање на вашата самодоверба.

Високите потпетици ве прават повисоки

Дали поради тоа што машкото е повисоко од вас или, пак, едноставно се обидувате да додадете некој сантиметар за лично задоволство, ова е една од поважните причини зошто жените носат високи потпетици.

1-zoshto-visokite-potpetici-se-vistinskiot-izbor-za-vas-kafepauza.mk

Високите потпетици прават да изгледате поелегантно и пософистицирано

Без разлика дали се работи за вечерна забава, состанок на работа или кафе-прошетка низ центарот на градот, соодветните високи потпетици совршено го дополнуваат парчето облека за кое сте се одлучиле.

Високите потпетици ги издолжуваат вашите нозе и ве прават послаби

Ова е една од предностите на високите потпетици. Дали се тоа 5-6 см повеќе или можеби и 15, високите потпетици ги издолжуваат и истенчуваат вашите нозе и визуелно одземаат некој килограм од вашата тежина, па крајниот резултат е дека изгледате фантастично.

3-zoshto-visokite-potpetici-se-vistinskiot-izbor-za-vas-kafepauza.mk

Високите потпетици го подобруваат држењето на вашето тело

Постојат многу дискусии за тоа дали да се носат високи потпетици или рамни чевли. Факт е дека доколку одите правилно на високи потпетици, тие не само што ќе го подобрат вашиот став и изгледот на целото ваше тело, истовремено ќе придонесат да стоите и одите исправено.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Дипломиран електроинженер по телекомуникации кој во слободно време обожава да пишува. Животен сон ѝ е да го прошета целиот свет уживајќи во добра книга и пријатно друштво. Настојува од секоја ситуација да го извлече најдоброто и не може да замисли денот да ѝ започне без шолја вкусно кафе.

Поврзани содржини

Остави коментар