Зошто лошото држење на телото е штетно за здравјето и како да го поправите?

Кој не би сакал да има величествен став и исправено држење? Рамената ви се вкочанети, ве болат вратот и грбот, а во главата го слушате гласот на вашата мајка: „Исправи го грбот!“ Поради лошото држење напнатоста се зголемува во рамената и грбот, а се јавуваат и главоболки. Добрата вест е што држењето на телото може да се поправи доколку само малку се потрудите.

Навиката на лошото држење на телото може да предизвика сериозни здравствени проблеми како што се гастроинтестинален рефлукс или хроничен замор бидејќи ве спречува правилно и длабоко да дишете. Што треба да направите за да имате правилно држење?

Проверете го вашиот изглед во огледало

Толку сме навикнати да седиме на столици и да гледаме во компјутери и смартфони што одамна заборавивме која е природната положба на телото. Време е да се потсетиме. Станете и погледнете се во огледало. Ако дланките се свртени спрема бутовите, палецот нанапред, тоа е добар знак – ставот е веројатно исправен. Но, ако дланките се свртени наназад веројатно вашето тело ќе се згрбави. Неопходно е да го вратите во правилната положба – главата малку треба да се зафрли наназад, рамената исто така, а стомакот да го вовлечете и затегнете. Ќе се чувствувате малку чудно, но тоа е сосема во ред.

Обидете се да седите исправено

Седнете и проценете ја вашата положба. Поголемиот дел од луѓето седат неправилно, префрлајќи ја тежината на грбникот со свиткување на грбот како буквата „С“ или индиско оревче. Поентата не е дека треба да се седи помалку, туку дека треба да се седи подобро! Научете ја вистинската положба која е удобна за телото: петиците на подот, опуштени колена и малку разделени, а задникот распореден како да имате невидлива опашка која може да се помрднува во секое време. Клучната работа е да се извлече непостоечката опашка пред нас, а не да седиме на неа – така што карличната коска ќе заземе правилна положба и ќе можете подолго да седите и да не го напрегате грбот.

Одредете точна положба за работа

Природната склоност кај работата на компјутер е свиткување на грбникот што создава катастрофален товар на грбот. Со времето тоа може да резултира со болна и ограничена подвижност. Седете како што опишавме погоре, а можете да употребите и перница. Мониторот треба да биде пред должината на рацете, а горниот дел од екранот треба да биде во висина на вашите очи така што нема да го подигнувате погледот или да не го стегате вратот додека ја наведнувате главата надолу.

Флексибилност и истегнување

Вклучете вежби за истегнување и редовен фитнес програм и правете ги секојдневно за да ја елиминирате непријатноста на мускулите во грбот, вратот и рамената. На пример, повлечете ги рамената наназад и надолу, поместете ја раката како да се обидувате да ги ставите лактите во задните џебови. Направете го ова неколкупати во текот на секој час ако цел ден треба да седите на компјутер.

Растегнете го телото кога ќе станете

Кога долго ќе се задржите на едно место – во канцеларија, во автомобил или во авион – мускулите се заморуваат и мора да се загреат. Кога станувате од работното место или излегувате од автомобилот – нозете нека ви бидат малку раздвоени, ставете ги рацете на струкот (прстите свртени надоли). Свиткајте се до крај, држете неколку секунди, па повторете 4-6 пати. Дома корисно е да направите варијации на вежбата позната како Асана: легнете на подот со лицето надолу, а потоа станете на рацете или лактите, а долниот дел од телото нека биде на подот, држете ја таа положба неколку секунди и повторете неколкупати.

Зацврстете го телото

Тоа ќе го сторите така што ќе обрнете внимание на мускулите на телото што се протегаат од градите до средината на бутовите, директните и коскените мускули на абдоменот, мускулите на задникот, слабината и делумно мускулите на бутовите. Сите работат заедно и ни помагаат да седиме и да стоиме. Јогата или пилатесот помагаат овие мускули да се зацврстат со користење фиксни положби кои развиваат мускулна сила и подвижност на зглобовите.

Или едноставно направете ја следнава ефикасна вежба за домашен тренинг: легнете на под, подигнете ги нозете од подот и свиткајте ги во колената како петиците да ги ставате на ѕид. Затегнете го телото, потоа растегнете ја едната нога право напред. Вратете ја ногата назад, паузирајте, а потоа повлечете ја другата. Повторете 12-15 пати.

Обрнавте внимание на држењето на вашето тело додека го читавте текстот? Се надеваме дека ви помогнавме да го препознаете вашиот став и да го поправите доколку не е правилен.

Можеби ќе ви помогнат и овие совети за самодоверба за уживање во себе и во сопственото тело.

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Психолог кој најдобро се изразува преку пишаниот збор. Нејзиниот личен лајтмотив гласи: „Остани своја и поинаква бидејќи само така ќе блеснеш во полн сјај!“

Поврзани содржини

Остави коментар