Претходно
Здраво, слатко задоволство: Торта со какао и путер од кикиритки
Одамна е познато дека слатките може да бидат и здрави и вкусни.
Потребни состојки:
За кората:
- 200 грама урми
- 80 грама бадеми
- 2 лажици кокосово масло
- 1 лажичка арома на ванила
За филот:
- 250 грама семки од сончоглед, натопени во вода преку ноќ или барем 4 часа претходно
- 130 грама стопено масло од кокос
- 400 мл масно млеко од кокос
- сок од 1 лимон
- 6 лажици мед
- 2 лажици органско какао
- 2 лажици путер од кикиритки
Начин на подготовка:
1. Измелете ги бадемите, потоа додајте ги урмите и мелете додека не добиете смеса за кора (не треба да биде како каша, може да има парчиња урми и бадеми). Додајте ги кокосовото масло и аромата на ванила и мелете уште малку.
2. Ставете ја смесата во калап обложен со хартија за печење и притиснете ја добро.
3. Измешајте ги состојките за фил во бледнер, освен какаото и путерот од кикиритки и мешајте додека не добиете хомогена смеса.
4. Поделете го филот на два дела и додајте го какаото во едниот дел, а путерот од кикиритки во другиот и добро измешајте ги двете смеси во блендер.
5. Прелијте ја кората со филот со какао и распределете ја рамномерно, па ставете ја да стои еден час во фрижидер.
6. По еден час, нанесете го филот со путер од кикиритки и вратете ја тортата да стои во фрижидер уште еден час.
7. За тортата да се зацврсти, најдобро е да ја оставите во замрзнувач или во фрижидер уште 2-3 часа во текот на ноќта.
8. За декорација, растопете црно чоколадо со малку масло, прелијте го колачот и посипете со сечкани бадеми.
Погледнете го овој рецепт за колач што ќе ви помогне да ослабите.
