Вкусно и лесно: Бисквити со оризово брашно

Овие вкусни и лесни бисквити со оризово брашно се совршени за појадок или ужинка. Идеални се за сите оние кои имаат нетолеранција кон глутен.

Вкусно и лесно: Бисквити со оризово брашно

Потребни состојки:и

  • 200 г оризово брашно
  • 75 г путер
  • 60 г шеќер
  • 1 јајце
  • сок од половина лемон

Начин на подготовка:

  1. Измешајте го јајцето со шеќерот.
  2. Потоа, додајте го сокот од лимонот и стопениот путер. Мешајте.
  3. Додадете го брашното. Направете топка и завиткајте ја во фолија или ќеса и оставете во фрижидер за 1 час.
  4. Потоа, на рамна површина ставете малку брашно и расукајте го тестото.
  5. Со калап за двојни бисквити исечете го тестото. Ако немате таков калап, не мора да правите двојни бисквити, но можете да бидете креативни со други фигури.
  6. Печете на 180 степени околу 10 минути додека не добијат кафеникава боја.
  7. Доколку користевте калап за двојни бисквити на едниот дел (како што е на сликата) ставете џем по избор, а потоа залепете ја и другата бисквита.

Можеби ќе сакате да ги пробате и овие чизкејк мафини со тиква.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Ужива кога патува и запознава различни култури, ги сака утринските прошетки во природа, книгите на Стивен Кинг, многу чоколадо и кафе.

Поврзани содржини

Остави коментар