Топло чоколадо: Најдобриот начин за соочување со есенските температури

Топло чоколадо: Најдобриот начин за соочување со есенските температури

Омилениот пијалак за постудените сезони, покрај уживање носи и многу позитивни здравствени придобивки. На пример, ова кремасто задоволство ќе го заштити вашиот кардиоваскуларен систем, ќе ви ја намали кашлицата и ќе ви ги смири дигестивните проблеми. Па, ако имате потреба од стоплување и подобрување на имунитетот, пробајте го овој одличен рецепт за топло чоколадо.

Потребни состојки:
  • 150 грама чоколадо со 60% какао
  • 200 милилитри полномасно млеко
  • 200 милилитри слатка павлака
  • 1 лажичка кафен шеќер
  • Прстофат сол
  • Прстофат цимет
Начин на подготовка:

Исечкајте ја чоколадата на ситни парчиња. Промешајте ги млекото и павлаката во тенџере, па ставете ги да се варат на среден оган. Штом смесата почне да прави балончиња, додајте ги парчињата чоколадо и мешајте додека не добиете густа кремаста смеса. Обидете се да ги „уловите“ сите грутки што можеби ќе се појават, и стиснете ги на ѕидот од тенџерето за да ги разлеете во останатата смеса. На крај додајте прстофат сол за поинтензивен вкус на чоколадата и малку цимет.

Совет: Ако не сте љубители на цимет, можете да додадете мускатно оревче, изрендан ѓумбир или чили во прав.

Ако ви се допадна овој рецепт, погледнете ги и овие 4 малку понеобични рецепти за топло чоколадо.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар