Што се едноставни, а што сложени јаглехидрати: Кога ќе ја сфатите разликата ќе се справите со дебелината и шеќерот во крвта, а ќе ги спречите и срцевите заболувања

Луѓето кои не го следат или не управуваат со внесот на јаглехидрати во нивното тело се изложени на зголемен ризик од развој на хронични заболувања како што се дебелината, кардиоваскуларните заболувања и дијабетес тип 2. За подобро да разберете како јаглехидратите влијаат на организмот, најдобро е да ја знаете разликата помеѓу простите и сложените јаглехидрати.

Што се едноставни, а што сложени јаглехидрати: Кога ќе ја сфатите разликата ќе се справите со дебелината и шеќерот во крвта, а ќе ги спречите и срцевите заболувања

Кога станува збор за исхраната, важно е да се разбере нејзината суштина, особено кога станува збор за внесувањето јаглехидрати. Постојат прости и сложени јаглехидрати, а разликата помеѓу нив е клучна за разбирање на вашите навики во исхраната.

Важно е да се разбере како реагира телото при внесувањето на секој вид јаглехидрат, а тоа ќе ви помогне да изберете каква храна да јадете во иднина.

Брз водич за разликување на јаглехидратите

Јаглехидратите се клучни биомолекули во организмот бидејќи ги стимулираат неговите многубројни функции. За време на варењето, јаглехидратите од храната се разложуваат до гликоза. Откако ќе влезе во крвотокот, гликозата (шеќерот) се дистрибуира низ бројни клетки во телото за да ги снабди со енергија.

Иако сите јаглехидрати обезбедуваат енергија, важно е да се знае дека некои видови јаглехидрати се поздрави од другите. Во зависност од видот на храната што јадете, јаглехидратите може да предизвикаат шеќерот во крвта да се намали или да порасне енормно. Тие дури, може да влијаат и на тоа колку брзо ќе се огладнете или колку вишоци од јаглехидрати ги складирате.

За подобро да разберете како јаглехидратите влијаат врз организмот, најдобро е да ја знаете разликата помеѓу простите и сложените јаглехидрати.

Прости јаглехидрати

Простите јаглехидрати се брз извор на енергија. Тие се состојат од пократки молекуларни синџири и полесно се обработуваат во споредба со сложените јаглехидрати. Нивната консумација резултира со ненадејни покажувања во нивото на шеќер во крвта, што е корисно кога на некое лице итно му треба енергија.

Простите јаглехидрати често се наоѓаат во преработената храна и додадениот шеќер. Голем број научни студии покажале дека консумирањето на овој вид храна, како и засладените пијалаци, можат да придонесат за развој на разни здравствени проблеми.

Бидејќи овие супстанции брзо се апсорбираат, секој вишок на шеќери се претвора во маснотии и се чува за подоцнежна употреба. Ако овие складирани масти не се користат, тие се акумулираат и придонесуваат за зголемување на телесната тежина. Ова може да доведе до голем број на здравствени проблеми, вклучувајќи остеоартритис и мозочен удар.

Сепак, постојат поздрави извори на прости јаглехидрати што може да ги јадете без грижа на совеста. Тоа се одредени видови на овошје и зеленчук, како и одредени житни култури.

Простите јаглени хидрати природно се појавуваат во овие производи, а тоа ги прави идеални за грицкање во текот на денот. Покрај тоа, тие содржат и други корисни материи како што се растителни влакна, витамини и минерали кои ја зголемуваат нивната хранлива содржина. Тие помагаат и во успорувањето на варењето на храната, така што нивото на шеќер во крвта не расте премногу брзо.

Сложени јаглехидрати

Во споредба со простите јаглехидрати, сложените јаглехидрати имаат подолги ланци од молекули. Ова значи дека им треба подолго време да се сварат и му помагаат на лицето кое ги консумира подолго време да се чувствува сито. Поради оваа причина, тие се идеална храна за оние луѓе кои се грижат за нивната телесна тежина и кои се обидуваат да го намалат внесот на јаглехидрати.

Како и кај простите јаглехидрати и тука постојат здрави и нездрави извори на сложени јаглехидрати. Кога избирате, држете се до нерафинираната храна, а тоа се:

– интегрални житни култури (на пр. кафеав ориз, овес);

– зеленчук богат со скроб (компири, пченка);

– мешунки (леќа, грав);

– храна слична со житните култури (на пр. киноа и леќа);

– зеленчук без скроб (на пример тиквички).

Овие производи се преполни со хранливи материи, вклучувајќи растителни влакна, здрави масти, витамини и минерали. Сето ова го забавува дигестивниот процес и спречува ненадејни покачувања на нивото на шеќер во крвта.

Преработените житни култури, од друга страна, содржат и сложени јаглехидрати. Сепак, нивните хранливи вредности се пониски во однос на свежата и интегралната храна.

Некои производители отстрануваат определени состојки од одредени типови храна, како што се бактериите од житарките, со што се намалува нивната хранлива вредност. Така настанува белото брашно, белиот леб и белиот ориз.

Општо, подобро е да се консумираат оброци што содржат комплексни отколку прости јаглехидрати. Сепак, ова зависи од тоа што вам ви е потребно.

Ако ви треба само брза закуска, парчињата овошје може брзо да ви ја подигнат енергијата.

Ако сакате нешто со што ќе останете заситени подолго време, изедете оброк полн со сложени јаглехидрати.

Можеби сакате да ги прочитате и прашањата со кои ќе откриете дали сте нетолерантни на јаглехидрати.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Смислата на животот ја бара преку уметноста и креативноста. Пишувањето е нејзино секојдневие.

Поврзани содржини

Остави коментар