Претходно
Рецепт за празнични колачиња за оние кои не сакаат да ги комплицираат работите во кујната
Nutellotte се празнични италијански колачиња кои се полнат со Нутела, а во последно време ги полнат и со џем. Која варијанта и да ја изберете, ќе ви требаат само неколку состојки, а колачињата можат да бидат подготвени за половина час.
Овие колачиња се еден од најгугланите рецепти оваа година во Италија, а во Македонија најверојатно би било рецепти за вкусен леб!
Потребни состојки:
- 180 г шеќер
- 1 ванилин шеќер
- 150 г путер
- 100 г црно чоколадо
- 150 г мелени ореви
- 250 г мелени бисквити
- малку хопла
За украсување:
- мелени ореви
- намаз од лешник и/или чоколадо
Начин на подготовка:
- Шеќерот, путерот и чоколадото загрејте ги на пареа, а потоа измешајте ги со бисквитите и оревите. Ако смесата е премногу густа, додадете неколку лажици хопла.
- Оставете ја смесата во фрижидер околу два часа и кога ќе се олади добро, формирајте топчиња. Валкајте ги во мелени ореви, а потоа притиснете ја средината и наполнете со намазот.
Moжеби ќе сакате да го пробате и овој рецепт за брза торта со кокос и банани која не се пече.
