Претходно
Рецепт на денот: Наједноставната крем торта со кафен шеќер
Овој рецепт целосно ќе ви го промени животот!
Потребни состојки:
- 250 грама црно чоколадо
- 2 лажички кафен шеќер
- 600 милилитри слатка павлака
- 1 лажичка смелен цимет
Начин на подготовка:
Искршете го чоколадото и ставете го во лонец со дупло дно или во мал сад што ќе го поставите врз тенџере со врела вода. Потоа посипете го шеќерот, ставете 200 милилитри од слатката павлака и оставете да се стопли на пареа, околу 15 минути. Тргнете го од оган, добро промешајте и оставете малку да се олади, односно почекајте додека смесата не стане млака.
Земете една тава за правење торти и обложете ја со хартија за печење. Останатата слатка павлака изматете ја заедно со циметот. Кога ќе добиете лесен и мек крем, додајте го оладеното чоколадо и полека мешајте додека двете мешавини не се поврзат. Префрлете го добиениот крем во тавата, израмнете ја површината и оставете го да отстои преку ноќ во фрижидер.
Пред послужување, само превртете ја тавата над чинија и внимателно тргнете ја хартијата за печење. По потреба, израмнете ја површината. Декорирајте со чоколадо и просејте какао во прав.
Пробајте го и овој едноставен рецепт за палачинки од компири.
