Прелив од јагоди за сладолед и други слатки задоволства

Дали како деца сакавте да јадете сладолед во корнет со чоколаден прелив кој во истата секунда додека ви го ставаат се стврднува и се претвора во тенко крцкаво чоколадо? Иако веќе таквите сладоледи не се толку популарни како порано, мора да признаеме дека понекогаш ни недостигаат, особено преливот што ги прави овие ледени задоволства толку посебни.

Прелив од јагоди за сладолед и други слатки задоволства

Денес ќе ви презентираме рецепт за сличен прелив кој ја има истата „магија“ за инстант зацврстување кога ќе дојде во контакт со ледениот сладолед, но со вкус на јагода. За него ќе ви бидат потребни само три состојки и малку време.

Потребни состојки:
  • 1/4 шолја сушени замрзнати јагоди
  • 200 г бело чоколадо
  • 3 лажички кокосово масло
Начин на подготовка:

Во блендер, смелете ги јагодите додека не добиете правеста смеса.

Белото чоколадо ставете го на пареа за да се стопи, а потоа додадете ги јагодите и кокосово масло. Измешајте ги состојките. Почекајте неколку минути пред да послужите.

Со преливот можете да декорирате сладоледи и други десерти по желба.

Пријатно јадење и уживајте!

Автор: Антонина Велјановска


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Читај на раат!

Поврзани содржини

Остави коментар