Подобро од трчање и возење ролери: 7 причини зошто уште веднаш треба да почнете да лизгате!

Лизгањето е физичка активност кај која ни работат сите мускули во телото. И одлична вест е што никогаш не е доцна да почнете да се занимавате со рекреативно лизгање. Ако ви се потребни дополнителни причини за да облечете лизгалки, тогаш ви откриваме 7 докази дека лизгањето е најдобрата рекреација која можете да ја изберете.

1-podobro-od-trchanjeto-i-vozenjeto-roleri-7-prichini-zoshto-treba-da-zapochnete-da-se-zanimavate-so-lizganje-www.kafepauza.mk_

1. Лизгањето ја подобрува рамнотежата

Лизгањето ни помага да ја подобриме рамнотежата низ забавно и релаксирачко вежбање. Лизгањето по многу лизгава површина многу брзо ќе ве научи како да останете на нозе.

„Додека лизгаме, стоиме на мало ноже кое ни е сместено по средината на стапалото, па затоа мораме да балансираме за да ја одржуваме рамнотежата. Тоа е како да имате мала приватна штица. Лизгањето е добро и за решавање на деформациите на стапалата, како што се спуштено стапало, бидејќи лизгалките се цврсти однадвор, а меки однатре, па така се прилагодуваат на стапалото“, вели Ивана Гагро, тренер за уметничко лизгање.

2. Лизгањето ги зајакнува зглобовите и глуждовите

Синхронизираните движења кои се потребни за да се лизгаме им овозможуваат на зглобовите и мускулите одлично вежбање, па за многу краток временски период вашите зглобови и глуждови ќе станат флексибилни. Со оглед на тоа дека лизгањето се базира на движењата на ногата и силните колена, за зглобовите тоа ќе биде одлична вежба и за краток временски период ќе забележите колку сте флексибилни.

2-podobro-od-trchanjeto-i-vozenjeto-roleri-7-prichini-zoshto-treba-da-zapochnete-da-se-zanimavate-so-lizganje-www.kafepauza.mk_

3. Лизгањето ги гради сите групи на мускули

„Лизгањето е многу комплексен спорт и бара интеракција на сите мускули што значи дека додека ние лизгаме ни работат апсолутно сите мускули, односно целото тело. Лизгањето ја подобрува кондицијата, помага при слабеењето и има уште подобар ефект од возењето ролери, бидејќи мразот бара многу посилни одрази и контракции на мускулите. Лизгањето е, исто така, поефикасно и од трчањето или возењето велосипед“, објаснува Гагро.

4. Лизгањето е одличен кардио тренинг

Аеробното вежбање е важен аспект од кардиоваскуларното здравје, а лизгањето овозможува одлична аеробна вежба. Најдоброто нешто кај лизгањето е тоа што добивате одличен кардио тренинг без воопшто да имате чувство дека вежбате.

„Рекреативното лизгање е добро за целосниот кардиоваскуларен систем, особено за децата кои имаат астма и кои имаат проблеми со алергиите“, објаснува Ивана.

5. Лизгањето ја подобрува издржливоста

Лизгањето бара енергија во текот на подолг временски период заради што е одличен начин за градење на издржливост. Колку подолго лизгате толку повеќе ќе ја подобрите издржливоста, не само за лизгањето туку и за другите спортови и физички активности.

3-podobro-od-trchanjeto-i-vozenjeto-roleri-7-prichini-zoshto-treba-da-zapochnete-da-se-zanimavate-so-lizganje-www.kafepauza.mk_

6. Лизгањето помага во слабеењето и одржувањето на телесната тежина

Доколку сакате да ослабите или да ја одржите посакуваната тежина, лизгањето ќе ви помогне во тоа, бидејќи додека се лизгате и забавувате, согорувате калории. Во еден час лизгање можете да согорите помеѓу 300 и 650 калории, во зависност од брзината со која лизгате.

7. Лизгањето делува како ментален фитнес

Свежиот воздух и зимското сонце, како и друштвото на пријателите и семејството во голема мера ни помагаат да се опуштиме после напорната недела на работното место и стресот. Со лизгањето, исто така, ја зајакнуваме личната самодоверба. Лизгањето е еден од најзабавните начини на вежбање, особено доколку лизгате надвор кога можете да уживате во пејзажите и природата.

За да ги почувствувате ефектите од лизгањето, доволно е да лизгате од два до три пати неделно, по половина час. Никогаш не е предоцна да започнете, но важно е да знаете дека на мразот никогаш не се излегува без ракавици, капа (децата носат кациги) и штитници (кои се особено важни кај постарите личности). За дополнителна мотивација погледнете го ова уметничко лизгање покрај неверојатни пејзажи.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар