Подемот на боенките за возрасни: Зошто токму вам ви се потребни?

Во свет кој е опседнат со технологија и социјални мрежи, изгледа контрадикторно дека токму нешто како боенките за возрасни би можеле да направат толку голема промена. Ова терапевтско хоби кое гордо го зазема своето место крај медитацијата и јогата е еден нов начин да ја проширите вашата свесност во денешниот брз начин на живеење.

Подемот на боенките за возрасни: Зошто токму вам ви се потребни?

Па, што е тоа што предизвикало да настане ова колоритно лудило? И зошто токму вие би требало да ги замените вашите смартфони и таблети кои постојано ви испраќаат нотификации со пакување боички? Според психологијата, секоја боја има огромно влијание врз нашето расположение и моќ да влијае врз моменталните емоции и перцепции. На пример:

  • сината е позната по својот смирувачки ефект
  • жолтата може да го поттикне вашето среќно и креативно расположение
  • зелената создава чувство на мир и баланс
  • црвената и розовата се поврзуваат со љубовта и топлината

Овие книги се внимателно создадени за да им се допаднат на возрасните, така што содржат голем број добро познати спиритуални индиски симболи како мандалата, кои го претставуваат целиот универзум. Тоа е и една од причините зошто голем број возрасни ги одбираат како начин на смирување и бегање од секојдневието.

Но, зошто токму вие би требало да си земете боенка за возрасни и тоа што побрзо? Бидејќи самото боење му помага на вашиот мозок да се ослободи, притоа овозможувајќи ви да допрете до вашиот внатрешен мир. Наша препорака е покрај боенката, да инвестирате и во квалитетни боички со цел да можете да го искусите целосно ова ваше ново разнобојно хоби.

За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар