Неколку совети кои ќе ви помогнат доколку се чувствувате како целиот свет да ви се распаѓа

Неколку совети кои ќе ви помогнат доколку се чувствувате како целиот свет да ви се распаѓа

Кај сите луѓе понекогаш се јавува духовна криза во тешки периоди од животот и тоа е нормално. Невозможно е да се спречи таа појава, но може да се промени начинот на кој се реагира. Во такви ситуации многу малку луѓе се прашуваат што прават погрешно и што можат да направат за да ги поправат работите. Повеќето едноставно ги обвинуваат другите луѓе или судбината за тоа што им се случило. Но, само вистински силните и мудри луѓе согледуваат дека секој лош настан е прилика да се извлече поука и да се работи на личниот развој.

Неколку совети кои ќе ви помогнат доколку се чувствувате како целиот свет да ви се распаѓа

Секогаш пред да се случи нешто лошо, ни се појавуваат оние мали предупредувања, кои за жал не ги сфаќаме сериозно или што е уште полошо, целосно ги игнорираме. А кога нема да го чуеме шепотот, ќе го чуеме крикот. Иако поголемиот дел од човештвото живее во свесно незнаење за себе и потребите на сопствениот дух, неколкумина храбри се подготвени да преземат одговорност за својот живот и да го направат она што е потребно за да бидат среќни. Ние сме дојдени на овој свет со одредена цел и во одредени околности за да научиме и да стекнеме одредени искуства.

Секојдневно се соочуваме со здравствени проблеми кои во нивната позадина кријат подлабоки потреби и проблеми за решавање. Најчесто, нашето тело ни испраќа сигнали дека нешто не е во ред со нашиот живот и дека треба да застанеме и да видиме што навистина се случува. Но, ретко кој го прави тоа. Кога некого го боли глава, тој едноставно зема аспирин и не се прашува што довело до главоболката. Ако дојдеме до сржта на проблемот, тоа ќе значи дека ќе мораме да промениме нешто. А промените секогаш се страшни. Потребната промена некогаш толку многу се разликува од животот кој дотогаш сме го воделе, што нормално е дека тешко ќе ја прифатиме. Таа со себе носи многу преиспитувања и преземање поголема одговорност за сопствениот живот. Станува збор за уште еден пресврт кој нашиот ум не го прифаќа. Многу луѓе не се занимаваат со работата што ја сакаат, а би можеле. Треба да само да се обидат. Не можат да не успеат. Но, сите играме на сигурно, што е многу иронично бидејќи вистината е дека само промената е сигурна.

Поголемиот дел од нас се борат со брановите на реката, наместо да пловат по нив. Прашањето е што можеме да направиме и како. Ова се неколку практични и корисни совети кои многу ќе ви помогнат и ќе ја променат вашата животна перспектива…

Неколку совети кои ќе ви помогнат доколку се чувствувате како целиот свет да ви се распаѓа

1. Доколку на кој било начин сте биле предупредени (болест, несреќа, загуба), тогаш застанете. Што и да сте правеле дотогаш, застанете. Колку и да бара светот од вас да дејствувате, застанете. Бројте до милијарда ако треба, само застанете.

2. Медитирајте, размислувајте, влезете во внатрешната празнина и послушајте ја вашата душа која говори. Ако само дејствувате, а не мирувате, нема да можете ништо да чуете.

3. Во оној момент кога ќе сфатите што треба да направите, побарајте помош и таа ќе дојде на различни начини и во различни облици. Само бидете внимателни за да можете да ја забележите.

4. Побарајте поддршка од вашите пријатели, семејство, партнер… Многу е важно да имате поддршка.

5. Имајте верба. Без разлика дали верувате во Бог, енергија или во самите себе, имајте верба и ќе можете да постигнете сѐ што ќе замислите.

6. Пронајдете се себеси! Дознајте кои се вашите желби, стравови, позитивни особини, недостатоци и прифатете се такви какви што сте. Сакајте се себеси, затоа што вие сте совршени!

7. Направете го тоа што треба без оглед на стравот, сомнежите и болката. Спротивставете им се на пречките на патот, наместо да бегате од нив.

8. Верувајте дека сѐ е во ред и дека сѐ се одвива токму така како што треба. Водете грижа за себе за да бидете посреќни, побогати и за да живеете во благосостојба. Бидете себични за да можете да бидете несебични. Не можете да се одречете од она што го немате или сте го немале. Живејте!


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Писателот во нејзината глава вели: Дај ми англиска книжевност. Дај ми урбан апсурд и егзистенцијализам. Дај ми мистерии за човечката психа. Дај ми театар и џез како терапија.

Поврзани содржини

Остави коментар