Направете сами: Совршени локни со лента за коса

Направете сами: Совршени локни со лента за коса

Веројатно веќе сте уморни од сувата и оштетена коса, па не сакате често да ја обликувате со топлина. Но тоа не значи дека треба да се откажете од локните. Можете на едноставен начин да направите бујни локни, без воопшто да ја оштетите вашата коса. Најдоброто од сè е што целиот процес е навистина едноставен – треба да ја навиткате косата, да си легнете и следниот ден да се разбудите со совршена фризура.


Направете сами: Совршени локни со лента за коса

За оваа фризура ви се потребни посилна лента за коса, четка за коса и спреј или гел за обликување по желба. Потоа, измијте ја косата и добро исчешлајте ја, па ставете ја лентата на главата. Замотајте ја целата коса околу лентата, прамен по прамен. Доколку косата ви е пократка и прамените излегуваат, можете да ги прицврстите со шноли. Доколку е потребно, сега нанесете го гелот за обликување. Потоа само треба да си легнете.

Следното утро внимателно одмотајте ги прамените, но немојте да го правите тоа грубо за да не ги уништите локните, но и косата. На крај нанесете малку спреј за коса за фризурата да трае подолго.

Можете да го погледнете целиот процес на видеото во продолжение:

Погледнете и како да си ја навиткате косата со крпчиња.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар