Најслаткиот рецепт за ролат со јагоди

Најслаткиот рецепт за ролат со јагоди

Наједноставниот и највкусниот десерт со вашето омилено пролетно овошје

Потребни состојки:
За тестото:
  • 4 јајца
  • 4 супени лажици брашно
  • 4 супени лажици шеќер
За кремот:
  • 300 милилитри слатка павлака
  • 400 грама јагоди
Начин на подготовка:

Загрејте ја рерната на 180 степени. Одвојте ги белките од жолчките. Во жолчките додајте го шеќерот и изматете ги. Во друг сад направете шлаг од белките.

Во смесата со жолчките наизменично додавајте брашно, па шлаг, и бавно мешајте. Повторувајте сè додека не го потрошите целото брашно и целиот шлаг. На почетокот смесата ќе биде густа, а на крајот поретка и помалку пенлива.

Обложете тава со хартија за печење. Излијте ја смесата во тавата и распределете ја рамномерно со лажица или шпатула. Ставете ја во рерна и печете до 10 минути. Кога површината на тестото ќе биде златна, готово е.

Извадете го тестото од рерната и префрлете го во чинија со хартијата за печење одозгора. Навлажнете ја хартијата со цел да можете полесно да ја отстраните, а потоа покријте го тестото со крпа и оставете го да се олади.

Измијте ги јагодите, исчистете ги и исечкајте ги на парчиња. Со миксер изматете ја слатката павлака и претворете ја во шлаг пена. Одмотајте го оладеното тесто, премачкајте го со шлагот а потоа наредете ги јагодите, па замотајте го во ролна. Посипете со шеќер по желба.

Добар апетит.

Пробајте го и овој безглутенски ролат со јагоди и крем од ванила.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар