Кремисимо коцки: Вкусен десерт одличен за секоја пригода

Овие кремасти коцки се навистина лесни за подготовка и се толку вкусни што веднаш ќе ги изедете.

Вкусни кремасти коцки одлични за секоја пригода

Потребни состојки:
  • 600 милилитри млеко
  • 2 кесички пудинг од ванила
  • 125 грама маргарин
  • 100 грама шеќер во прав
  • 3 лажици шеќер
  • 100 грама крем
  • 70 грама темно чоколадо
  • 4 крем банани
  • 36 парчиња бисквити
  • 200 милилитри млеко за бисквитите
Начин на подготовка:
  • Измешајте ги пудингот, трите лажици шеќер и 100 милилитри млеко, а останатото млеко ставете го да зоврие. Откако ќе зоврие додајте ја смесата со пудингот и мешајте додека не се згусне. Тргнете го тенџерето од оган и оставете го да се излади.
  • Во сад измешајте ги маргаринот и шеќерот во прав, додајте го изладениот пудинг и поделете ја смесата на 3 дела.
  • Во едниот дел ставете ги исечканите крем банани, во другиот кремот, а во третиот додајте го растопеното темно чоколадо.
  • На чинија наредете 12 бисквити потопени во млеко, па нанесете еден дел од смесата. Повторно наредете 12 бисквити и нанесете го вториот дел од смесата. Наредете ги останатите 12 бисквити и завршете со третиот дел од смесата.
  • Оставете го колачот преку ноќ или неколку часа во фрижидер.
  • Исечете го на коцки и послужете.

Ако сакате едноставен летен ручек, пробајте го овој рецепт за полнети домати.

За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар