Кои 5 видови намирници се најлошите за човековото здравје?

Кои 5 видови намирници се најлошите за човековото здравје?

Колку пати сте слушнале дека е препорачливо да ја избегнувате пржената храна? Експертите советуваат да јадеме повеќе свежо овошје и зеленчук и храна која е минимално термички обработена. Во продолжение прочитајте кои видови намирници се најлошите за човековото здравје.

Кои 5 видови намирници се најлошите за човековото здравје?

1. Преработени месни производи

Според СЗО, преработеното месо како сланината, виршлите и колбасите спаѓаат во групата на производи кои можат да предизвикаат рак. Тоа се должи на фактот дека преработеното месо содржи хемикалии кои ги нема во свежото месо. Затоа, наместо индустриски преработена храна, дајте им приоритет на свежите состојки и на месото кое се одгледувало на органски начин и без непотребни адитиви.

2. Пржена храна

Пржената храна не само што може да придонесе за зголемување на телесната тежина туку и може да го зголеми ризикот од срцеви болести бидејќи содржи повеќе масти, сол и калории.

3. Преработени масла

Обидете се да ја минимизирате употребата на преработени масла во вашата исхрана. Според нутриционистите, преработеното масло од сончоглед, соја и масло од репка се штетни за здравјето на луѓето и треба да се избегнуваат. Тоа е затоа што при обработката се загреваат на екстремно високи температури, што доведува до оксидација на маслото. Од друга страна, тоа може да придонесе за појава на слободните радикали кои можат значително да ги оштетат клетките во организмот.

4. Храна со додаден шеќер

Ако видите додадени шеќери на етикетата на одреден производ, не го купувајте. Додадениот шеќер нема хранлива вредност, а медицинските истражувања покажале дека го зголемува ризикот од дебелина и метаболички болести. Заменете го преработениот шеќер со поздрави алтернативи, како свежо или суво овошје (без додадени шеќери).

5. Рафинирани јаглехидрати

Рафинираните јаглехидрати вклучуваат производи како леб и колачи направени од бело брашно, бел ориз и тестенини, пици и слично. Не мора да се откажувате од лебот – наместо тоа изберете производи со цели зрна, богати со витамини, минерали и диетални влакна кои го подобруваат процесот на варење на храната.

Откако прочитавте кои намирници се особено штетни за човековото здравје, можеби ќе сакате да прочитате и како пржената храна влијае врз вашето здравје и зошто треба да ја избегнувате.

Извор: punkufer.dnevnik.hr


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Вљубеничка во книжевноста, музеите и патувањата. Исто како и Борхес, рајот си го замислува како огромна библиотека.

Поврзани содржини

Остави коментар