Како седењето како нашите предци може да ни ги намали хроничните болки?

Како седењето како нашите предци може да ни ги намали хроничните болки?

Нездравата храна и високото ниво на стрес го зголемуваат ризикот од хронични болести, исто како и седењето повеќе од 4 часа дневно. Токму поради ова, Марк Сисон од Mark’s Daily Apple и Мет Волден од институтот Чек предлагаат одново да се запознаеме со архетипските положби на седење.

Како седењето како нашите предци може да ги намали хроничните болки?

Според експертите, постои силна поврзаност помеѓу долгото седење на стол и хроничните повреди на сврзното ткиво.

Имено, луѓето страдаат од хронични воспаленија поради неколку фактори – нездрава исхрана сиромашна со минерали и витамини, рафинирани масла и семиња и седење долго време во неприродна положба.

Едно неодамнешно истражување покажало дека луѓето кои страдаат од повреди на петната тетива не секогаш им ја припишуваат нивната состојба на вежбање или спортски повреди. Со други зборови, болеста едноставно се развила. Сисон и Волден сметаат дека седењето на стол без редовно истегнување е главната причина за намалено здравје и квалитет на ткивото.

За да се надминат овие состојби, експертите препорачуваат да им се вратиме на некои позиции за седење што нашите предци ги употребувале илјадници години.

Архетипските положби за седење на подот се:

  • Целосно чучнување, со петите залепени на земја
  • Ниско коленичење
  • Високо коленичење
  • Седење со прекрстени нозе
  • Испружено седење
  • Странично седење

Како седењето како нашите предци може да ги намали хроничните болки?

Во секоја од овие положби, некои ткива се истегнуваат, додека некои се потиснуваат.

  • Чучнувањето ги истегнува грбот, задникот и листовите.
  • Ниското коленичење ги истегнува стапалата и квадрицепсите.
  • Високото коленичење ги истегнува квадрицепсите и тетивите на петите.
  • Седењето со прекрстени нозе ги истегнува колковите.
  • Испруженото седење ги истегнува бутовите и зглобовите.
  • Страничното седење ги истегнува внатрешниот и надворешниот дел од колкот.

Според Сисон и Волден, најдобро е да ги менувате положбите. На овој начин ќе го истегнете секој екстремитет и ќе го поттикнете лекувањето на болките.

Покрај тоа, многу од овие положби ја сопираат циркулацијата на крвта во одредени делови од телото, а ова докажано го поттикнува заздравувањето на ткивото. Овие начини на седење можат да ја подобрат и толеранцијата на гликоза.

„Цитираме истражување кое покажува дека нежната пасивна програма за истегнување го намалува нивото на шеќер во крвта кај дијабетичарите.“

Иако ова откритие звучи добро, сепак е потребно дополнително истражување.

Повеќето луѓе имаат проблем со следење на редовен режим за истегнување. Добро е да направите и дополнително истражување за архетипските положби на седење. Овие положби се релаксирачки и можете да ги изведувате додека слушате музика, гледате телевизија или читате книга.

Погледнете и кои се лошите навики кои предизвикуваат болки во грбот.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар