Како да се справите со прикриеното вербално малтретирање?

Прикриеното вербално малтретирање може да ви изгледа сосема безначајно. Не сфаќате дека ве малтретираат и се навикнувате на тоа. Ова вербално малтретирање настанува кога некој ви кажува како да се чувствувате, што да размислувате или што ви е потребно. Навистина е подмолно и воопшто не го ни гледате како малтретирање.

Како да се справите со прикриеното вербално малтретирање?

Дали во вашиот живот постои личност која се однесува како да ве поседува и како да знае подобро од вас што ви е потребно? Понекогаш ова го прават и родители на возрасни деца, најчесто со следниве фрази:

  • „Секогаш си премногу чувствителен/на.“
  • „Никогаш не си можел/а да се справиш со вистината.“
  • „Треба да правиш/чувствуваш/сакаш/очекуваш… ако си добар/искрен/успешен…“

Дали некогаш се запрашувате како може некој да се осмели да ви каже како да се чувствувате? Или ова однесување станало навика во вашата врска со мајка ви, татко ви, партнерот, па веќе сметате дека сè што ќе кажат е вистина? Ова се случува кога сте се навикнале на малтретирањето.

Размислете за врската што ве полудува. Дали таа личност ви кажува кои сте, што да мислите и што да чувствувате? Дали често го слушате зборот „би требало“? Ова е прикриено вербално малтретирање.

Некои толку многу се навикнуваат на малтретирањето што понекогаш и го оправдуваат. Како деца можеби сте се навикнале да бидете понижувани од вашите родители, па како возрасни барате партнер што ви го прави истото. Ви изгледало познато и ви изгледало нормално.

Без разлика колку нормално ви изгледа, ова е однесување што не треба да го прифатите. Луѓето што ве малтретираат сакаат да ја дефинираат вашата реалност за да можат да ве контролираат. Можеби ќе си помислите дека личноста само се грижи за вас и не сака да згрешите. Но, ако сте возрасни тогаш сигурно можете самите да одлучите:

  • Како да живеете
  • Што мислите
  • Што чувствувате
  • Што ви треба
  • Што сакате
  • Кои сте

Ако сте се навикнале да ви ги кажуваат овие нешта, уште денес застанете на своја страна. Преземањето на контролата над вашиот живот може да биде бавен процес, но започнува овде. Наскоро ќе забележувате кога другите сакаат да ја наметнат нивната моќ над вас и нема да им го дозволите тоа.

Пред да се ослободите од вербалното малтретирање, потребно е да го препознаете. Потоа обидете се да го смирите вашиот гнев. Нормално е да се чувствувате гневно. Штом ќе го забележите малтретирањето нема да можете да го заборавите. Овој гнев е здрав, но ако му дозволите да ве надвладее ќе си создадете други проблеми.

Кога ќе сфатите дека некој се обидува да ви го контролира животот, побарајте помош. Можете да се обратите и кај вашиот терапевт. Заедно ќе создадете стратегија и ќе имате поддршка да ја направите потребната промена во вашите врски.

Дознајте и кои се предупредувачките знаци дека партнерот ќе ве контролира.

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар