Како да ги направите популарните ретро холивудски локни?

Како да ги направите популарните ретро холивудски локни?

Ретро локните повторно се враќаат на црвениот тепих. Оваа елегантна и софистицирана фризура е совршен избор за вечерните излегувања или романтичните состаноци. Таа е многу лесна за подготовка, како и за одржување и најдобро од сè, можете сами да ја подготвите. Потребно е само да одвоите малку време и брзо ќе ги добиете гламурозните бранови кои ги обожаваат холивудските убавици.


(1) Како да ги направите популарните ретро холивудски локни?

Префрлете го поголемиот дел од косата на една страна, во зависност од обликот на вашата глава и онаа што вам лично повеќе ви се допаѓа. Кога ќе го направите тоа, постојат две можности со чија помош ќе можете да ги направите романтичните локни во вашата коса. Еден начин е да користите фигаро, а другиот е со помош на виклери. Доколку одберете виклери, оставете ги доволно долго на вашата коса со цел таа да го добие посакуваниот облик. Ако вашиот избор е фигаро или пегла за коса, тогаш поделете ја во прамени и секој од нив виткајте го посебно, сè додека не го постигнете посакуваниот изглед.

(2) Како да ги направите популарните ретро холивудски локни?

Откако ќе ги направите локните, прицврстете ги со помош на спреј за коса бидејќи во спротивно фризурата нема да го задржи својот облик долго време. Откако ќе го направите тоа, поминете неколку пати низ неа со четка. Доколку ви изгледа како со тоа да ја уништувате вашата фризура, не грижете се, бидејќи овој чекор е најважниот во целиот процес. Со чешлањето вие ќе се погрижите вашите локни да не се спојат во една целина. Доколку тие надолу се раздвојуваат, можете да ги споите со помош на мали црни шнолички со остатокот од косата.

(3) Како да ги направите популарните ретро холивудски локни?

За крај, повторно нанесете спреј за коса и потоа остатокот стилизирајте го по ваша желба. Ако сакате традиционална фризура, едниот крај од косата поставете го зад увото, а за помодерен изглед можете да направите ситна плетенка на спротивната страна од локните. Со овој изглед без сомнение ќе соберете бројни комплименти.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар