Претходно
Интересни и необични љубовни состаноци за продолжениот празничен викенд
Не постои ништо лошо во останувањето дома за празниците, во прегратките на вашите сакани покрај омилените ТВ серии и филмови. Но, зошто да не направите мала промена овој викенд и да ги искористите слободните денови така што ќе организирате интересна авантура која ќе ја помните до крајот на вашиот живот?
Садење семиња – Искористете ги пролетните денови за да започнете ваша сопствена мини градина. Којзнае, можеби и ќе ги разбудите вашите родителски инстинкти.
Искачување карпи – Можеби оваа идеја не ви звучи многу секси, но станува збор за интерактивен предизвик кој ќе ве исполни со адреналин и ќе ја подигне вашата љубов кон нови височини.
Пикник, но со велосипеди – Вратете се во старото добро минато и бидете романтични како порано, па наместо со автомобил, тргнете со велосипеди на вашето омилено место за пикник.
Возење ролери – Доживејте ја одново младоста така што ќе се упатите кон најблискиот парк крај вашиот партнер, дозволувајќи му на ветрот да ја разбушави вашата коса.
Час по стрелање – Зарем има подобар начин да го исфрлите сиот бес од себеси од пукањето или стрелањето во хартиен човек кој може да ги претставува сите ваши проблеми на едно место?
Правење пиво – Да, вие во секое време можете да „скокнете“ до продавница и да купите готово пиво, но зарем не би било поинтересно доколку самите се обидете да го направите?
Набљудување случајни минувачи – Разгорете ја вашата имагинација така што ќе создавате приказни за секој од нив.
Караоке – Постојат толку многу љубовни песни кои едноставно чекаат да бидат уништени од страна на вашиот нетрениран глас.
Дегустација на вино – Создадете домашна дегустација на вино така што самите ќе купите неколку различни видови и ќе се обидете да откриете од што се тие составени (со помош на Гугл, секако).
Локални истражувачи – Одберете некој дел од градот кој не го познавате добро и истражете го секој агол од него.
Прошетка во паркот за кучиња – Дури и да немате домашно милениче, едноставно посетете го паркот и обидете се да погалите и погушкате што е можно повеќе крзнени пријатели.
Тестирање луксузни автомобили – Облечете се во својата најдобра модна комбинација и тргнете во „шопинг“ за автомобилот кој толку очајно ви е потребен…
