Фитнесот ми е најголемата страст: Марина Милановска ќе ве инспирира веднаш да почнете со вежбање!

Марина Милановска е духовита, комуникативна, дружељубива и силна личност, секогаш спремна за предизвици и за патувања. Таа е дипломиран педагог и поранешен репрезентативец во стрелаштво. Деновите ѝ се исполнети со хобија како кик-бокс, спортско качување, фотографирање природа и читање книги. Голем љубител е на тетоважи, палачинки, животни и спортска облека. Па, ако ви треба малку фитнес инспирација, оваа инстаграмџика може многу да ви помогне!

 

View this post on Instagram

 

A post shared by MARINA MILANOVSKA 🇲🇰 (@marinam.fit) on

1. Кога почна со вежбање во теретана и како настана идејата да се впуштиш во бодибилдерство?

Започнав да се занимавам со улична гимнастика на 19 години. 2 години потоа одлучив да влезам во фитнес светот и почнав да вежбам во теретана затоа што забележав видливи физички резултати уште со уличната гимнастика, кои многу ми се допаднаа. Во комбинација со добрата исхрана, забележав и подобрување на здравјето, па оттаму продолжив да се надградувам и да напредувам. Така фитнесот ми стана начин на живот.

 

View this post on Instagram

 

A post shared by MARINA MILANOVSKA 🇲🇰 (@marinam.fit) on

2. Бодибилдерството е одамна познато како „машки“ спорт. Како жена, дали се соочуваш со предрасуди и други видови проблеми во овој свет и што правиш за полесно да ги надминеш?

Се соочувам и со позитивни и со негативни критики, кои целосно ги прифаќам, и тоа воопшто не ме спречува да ја следам и понатаму страста кон фитнесот. Се движам по природен пат кој мене најмногу ми се допаѓа и уживам во него.

 

View this post on Instagram

 

A post shared by MARINA MILANOVSKA 🇲🇰 (@marinam.fit) on

3. Кои се според тебе најголемите придобивки од овој вид вежбање?

Најголемите придобивки од вежбањето во теретана се подобра психофизичка функција, флексибилност, кондиција, сила и издржливост кои влијаат на сите области во животот, и кои можат многу да ви помогнат и надвор од теретана.

 

View this post on Instagram

 

A post shared by MARINA MILANOVSKA 🇲🇰 (@marinam.fit) on

4. Покрај вежбањето, колку е важна исхраната за да се „изгради“ телото од нашите соништа? Дали следиш некој режим на исхрана што би им го препорачала и на нашите читатели?

Исхраната е на прво место за да се изгради тело според предвидената цел. Диетата се одредува според потребите на човекот и според неговата здравствена состојба. Јас лично внимавам многу на мојата исхрана, којашто се базира на протеини и здрави масти, и која ја менувам во зависност од годишната сезона. Исто така препорачувам да се врши детоксикација во секоја нова годишна сезона, за да се исфрлат сите токсини од организмот. Останато е индивидуално.

 

View this post on Instagram

 

A post shared by MARINA MILANOVSKA 🇲🇰 (@marinam.fit) on

5. Многумина имаат желба за вежбање, но едноставно не можат да најдат мотивација за да издржат доволно долго за вежбањето да им премине во навика. Како ти наоѓаш мотивација за вежбање и каков совет би им дала на младите момци и девојки што се борат со овој проблем?

Видео мотивацијата не успева секогаш кај луѓето. Најдобар начин е да се има персонален тренер покрај себе за да се достигне целта и да се продолжи понатаму кон нови цели. Јас ја црпам мојата мотивација од страста за вежбањето, но и од работата како персонален тренер – резултатите на моите клиенти ме исполнуваат и ме радуваат.

 

View this post on Instagram

 

A post shared by MARINA MILANOVSKA 🇲🇰 (@marinam.fit) on

6. Имаш ли омилени фитнес инструктори и фитнес модели на Инстаграм?

Нема да згрешите ако ги заследите овие инстаграмџии: Zuzana Majorová, Marina Krause, Andreia Brazier, Cassandra Martin, Chad Nutsch, Jeremy Buendia, Ryan Terry.

 

View this post on Instagram

 

A post shared by MARINA MILANOVSKA 🇲🇰 (@marinam.fit) on

7. И за крај, би сакала ли да споделиш со нашите читатели кратка комбинација од вежби за целото тело, што би можеле да ги прават и во удобноста на својот дом.

Сè во вашиот дом може да ви послужи како алатка или направа за вежбање. Можете дури да ги искористите и скалите или да земете ластик/тег за изведување вежби за бицепс, трицепс, подлактица и рамо. Едноставно треба да бидете креативни. Што се однесува до самите вежби, најдобрата комбинација што можете да ја направите во вашиот дом, за најголем ефект е: чучњеви, расчекор и склекови.

 

View this post on Instagram

 

A post shared by MARINA MILANOVSKA 🇲🇰 (@marinam.fit) on

Прочитајте го и нашиот разговор со Жарко Батиќ: Кросфитот го подобрува начинот на живот – доброто тело е само бонус!

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар