Доаѓа зима: Еве како да се грижите за вашите украсни растенија

Доаѓа зима: Еве како да се грижите за вашите украсни растенија

Во текот на ладните есенски и зимски денови, поголемиот дел од вашите украсни растенија најдобро е да ги внесете дома. Но, постојат две места во домот кои никако не им одговараат (истото важи и за цвеќињата кои постојано ги чувате внатре).

Доаѓа зима: Еве како да се грижите за вашите украсни растенија

Каде да ги чувате вашите украсни растенија?

Во прашање се места покрај прозорците низ кои пробива ладен воздух (треба да внимавате и листовите од цвеќињата да не ги допираат ладните прозорски стакла) и местата што се покрај извори на топлина, како печка или радијатор, затоа што топлината ја извлекува влагата од растенијата, па тие може брзо да се исушат.

Тоа ќе го забележите по листовите кои постепено избледуваат, односно почнуваат да венеат.

Поретко полевање на украсните растенија во текот на зимата

Поради намалената сончева светлина, домашните растенија во текот на зимата растат побавно, па заради тоа не им треба толку вода како во топлите месеци. Претераното полевање може да им предизвика различни болести на растенијата.

Што повеќе светлина

Бидејќи има помалку сончева светлина, обидете се да ги тргнете сите пречки кои може да предизвикаат намалена апсорпција на светлина кај растенијата. Затоа и редовно бришете им ја прашината од листовите.

Прочитајте и зошто е важно вашиот дом постојано да биде полн со цвеќиња.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Смислата на животот ја бара преку уметноста и креативноста. Пишувањето е нејзино секојдневие.

Поврзани содржини

Остави коментар