Црно злато: Вкусна крем торта од кафе

Омилениот црн пијалак, неизбежниот дел од утринскиот ритуал, го нашол својот пат и до омилениот десерт…

crno-zlato-vkusna-krem-torta-od-kafe-www.kafepauza.mk

Потребни состојки:
За тестото:
  • 3 јајца
  • 120 грама шеќер во прав
  • 2 белки
  • 120 грама брашно
  • 1/2 лажичка цимет
  • 1 лажичка мелено кафе
  • 1 лажичка прашок за печиво
За филот:
  • 100 грама путер
  • 150 грама путер од кикирики
  • 2 лажици шеќер
  • 100 милилитри слатка павлака
За преливот:
  • 100 грама чоколадо
  • 1 лажичка путер
  • 2 лажички вода
  • Шеќер во прав, по вкус
Начин на подготовка:

Загрејте ја рерната на 180 степени. Изматете го јајцето со шеќерот, така што претходно ќе ја издвоите белката и посебно ќе ја изматите. Брашното измешајте го со циметот, кафето и прашокот за печиво, па потоа додајте го на јајцето, заедно со пената од белката. Смесата сипете ја во калап кој е намачкан со масло и печете во рерна 40-тина минути. Откако ќе завршите, оставете го тестото да се олади.

За филот, изматете ги двата видови путер со шеќерот и потоа додајте ги на слатката павлака. Измешајте добро.

Тестото пресечете го на 3 дела, со цел да добиете 3 паралелни кори. Поставете ја едната, па врз неа додајте од филот, а потоа повторете го истото и со втората. Поставете ја и третата кора, но врз неа додадете го преливот, кој ќе го направите така што ќе го стопите чоколадото со малку вода, шеќер и путер. Премачкајте ја тортата со него и оставете во фрижидер најмалку 3 часа пред служење.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар