8 моменти во кои мажот сфаќа дека е спремен да се скраси

8 моменти во кои мажот сфаќа дека е спремен да се скраси

Кога се помлади, помислата да се смират и да се скрасат покрај една личност за повеќето мажи е страшна. Сепак, како што одминува времето и како што созреваат, тие сфаќаат дека тоа е пат кој има повеќе смисла и сега сакаат да го одат. Младиот филозоф и автор Пол Хадсон открива осум моменти кои се пресвртни за мажите и во кои тие решаваат да го променат текот на својот живот.

8 моменти во кои мажот сфаќа дека е спремен да се скраси

1. Сфаќа што значи да си сам

Во текот на животот сме опкружени со многу луѓе и за повеќето од нив веруваме дека ни се пријатели и дека се грижат за нас. Но, како што одминува времето, така сфаќаме дека само мал дел од нив вистински се загрижени за она што се случува во нашиот живот. Тоа е еден од моментите во кој учиме дека можеме да имаме многу луѓе околу нас и пак да бидеме сами, а можеме и да бидеме со само неколку луѓе и да имаме одлично и богато друштво. Некои во тој момент сфаќаат што значи и да си осамен. Тогаш тие ја сфаќаат вредноста на луѓето кои се покрај нив.

2. Веќе не е заинтересиран за ставање рецки

Некои мажи воопшто не претендираат да имаат што е можно повеќе партнерки во животот, но повеќето попуштаат пред притисокот на околината и се обидуваат да направат одреден „стаж“ пред да почнат да размислуваат да се скрасат. Но, кога тој ќе ја почувствува празнината која се јавува како последица на тоа што се трудел да задоволи нечии туѓи очекувања, сигурно ќе побара вистинска љубов.

3. Веќе не ужива во сексот со личност во која не е вљубен

Сигурно дека таквиот секс му годи до одредена граница, но знае дека тоа не исто како кога е со личноста која ја сака. Повеќе ужива в кревет со личност со која добро се познава отколку со некоја со која нема многу заедничко.

4. Му треба љубов

Сите велат дека им треба љубов, но не секој се однесува така. Оној кој веќе сака да се скраси има толку голема потреба од вистинска љубов што одеднаш сè му изгледа безначајно без неа. Тој е спремен да го посвети својот живот на личност која е спремна да му овозможи да прима и да дава љубов.

8 моменти во кои мажот сфаќа дека е спремен да се скраси

5. Некој друг има приоритет во неговиот живот

Тој можеби за прв пат во животот става нечии туѓи потреби пред своите. Тоа не им е лесно на мажите, со оглед на нивниот начин на воспитување, но ако тој почне да покажува дека потребите на девојката може да ги стави пред своите, тогаш сигурно е спремен да се скраси покрај неа.

6. Веќе размислува за деца

Штом почне да размислува за тоа како би било и тој да има деца и сака да му се случи тоа, јасно е дека тој размислува и да го смени начинот на живот за да ја оствари таа желба.

7. Не е повеќе изгубен

Младите луѓе знаат да бидат изгубени во животот, особено оние кои учат само од своите грешки. Ним им треба многу време за да сфатат што сакаат во животот и да се пронајдат себеси. Мажот кој поминал низ ова веќе исправил многу грешки кај себе и е спремен за „посериозен“ живот.

8. Ја среќава вистинската

Мажот може да биде спремен на што било, но ако покрај себе ја нема вистинската сопатничка, не може да тргне на пат. Сфатил дека животот нема да му биде возбудлив додека е сам и затоа моментот кога ќе ја сретне онаа за која смета дека може да биде онаа со која ќе го помине остатокот од животот е еден од пресвртните во неговиот живот.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Го интересираат општествените науки и сето она што ја истражува повеќедимензионалноста на светот и човековото однесување, но од тоа само правото му е професија. Вљубеник во филмот, фотографијата, читањето и сите спортови на овој свет. Пишувањето му е задоволство кое му овозможува да биде во контакт со нив секој ден.

Поврзани содржини

Остави коментар