7 митови за храната кои се целосно погрешни

Дали јајцата се навистина штетни, колкаво количество вода е потребно да се пие секојдневно и дали е навистина здраво да се јаде одмрзната храна? Нутриционистката Џулиет Келоу ги открива најчестите митови за храната во кои луѓето лесно веруваат.

1-7-mitovi-za-hranata-koi-se-potpolno-pogreshni-www.kafepauza.mk_

1. Целер

Митот за негативните калории вели дека нашето тело троши повеќе калории за варење на целерот отколку што тој содржи. Вистината е дека целерот содржи од 6 до 10 калории, што го прави симпатична нискокалорична ужина, но тој нема магично да ви помогне да ослабите.

2. Замрзната храна

Постои мит дека храната со самото замрзнување ги губи хранливите состојки. Свежите производи се берат и се носат во маркетите неколку дена пред купувањето, додека смрзнатите производи веднаш минуваат низ процесот на смрзнување. Свежите производи ги губат своите хранливи состојки после неколку дена, додека кај смрзнатите производи хранливите состојки се задржуваат многу подолго.

3. Моркови

Многумина веруваат дека морковите не би требало да се готват, бидејќи на тој начин тие ги губат своите хранливи состојки. Меѓутоа, морковите се поздрави кога се зготвени, бидејќи со готвењето ги зачувуваат сите поважни хранливи состојки, како што се антиоксидансите и витаминот А.

2-7-mitovi-za-hranata-koi-se-potpolno-pogreshni-www.kafepauza.mk_

4. Правилото од 5 секунди

Постои мит дека доколку ви падне храната на подот нема ништо да ѝ се случи доколку ја подигнете во рок од неколку секунди. Тоа, за жал, не е вистина, бидејќи е научно докажано дека храната која ќе падне на подот може да стане заразена со салмонела за само неколку секунди. Секако, тоа зависи од количината на бактерии на подот, но и од тоа на каков вид на под паднала.

5. Јајца

Во светот е широко застапено мислењето дека јајцата би требало да се избегнуваат, бидејќи го покачуваат нивото на холестерол во крвта и дека го зголемуваат ризикот од инфаркт. На ова предупредување треба да обрнат внимание само личностите кои имаат генетски предиспозиции за висок холестерол, што значи дека овој производ би требало да го внесуваат најмногу 3 пати неделно, но воопшто не треба да го исфрлаат од менито, бидејќи јајцата се богати со бројни корисни материи.

3-7-mitovi-za-hranata-koi-se-potpolno-pogreshni-www.kafepauza.mk_

6. Кафе

Мислењето дека кафето има негативно дејство врз здравјето, бидејќи неповолно влијае на метаболизмот било застапено доста долго време. Денес знаеме дека овој производ е многу подобар отколку озборувањата кои го следат.

7. Вода

Сигурно сте слушнале дека дневно би требало да испиете 8 чаши вода. Но, таа бројка во реалноста не е универзална. Многумина би се зачудиле кога би слушнале дека научниците моментално се обидуваат да утврдат дали таа количина е всушност многу поголема од она која е навистина потребна.

4-7-mitovi-za-hranata-koi-se-potpolno-pogreshni-www.kafepauza.mk_

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар