Претходно
6 необични примени на маслиновото масло
Датум: 19 мар 2016
Коментари: 0
На сите ни е веќе добро познато дека маслиновото масло, покрај што се користи во подготовката на храната, наоѓа големи примени и во повеќе различни аспекти од животот: Од чистењето на домот до убавината и негата на кожата. Во продолжение прочитајте ги овие 6 алтернативни употреби на маслиновото масло за кои можеби не сте знаеле и кои сигурно ќе ви помогнат во справувањето со некои од секојдневните проблеми.
1. Справување со суви пети
Маслиновото масло е најдоброто решение за проблемот со сувите и испукани пети. Пред туширање, направете пилинг на стапалата за ги отстраните мртвите клетки на кожата. Откако ќе се истуширате, наместо крема, нанесете одредена количина маслиново масло. Облечете чорапи и отспијте во нив – наредното утро вашите стапала ќе бидат меки и мазни.
2. Нега на кожата околу ноктите
За кожата околу ноктите секогаш да ви биде нежна и хидрирана, редовно премачкувајте ја со мала количина маслиново масло. На тој начин кожата на дланките ќе ви биде здрава и негувана, а ноктите ќе ви бидат многу поцврсти.
3. Чистење на четките за шминка
Не морате да трошите пари за средства за чистење на четките за шминка. Во една чаша промешајте малку маслиново масло со детергент за миење садови и во неа ставете ги четките. Така ќе ги отстраните сите нечистотии и остатоци од производите, а поради маслото, четките ќе бидат многу помеки од претходно.
4. Пилинг за усни
Во една чинија направете смеса од мед, шеќер и маслиново масло и со неа нежно протријте ги усните. На тој начин успешно ќе ја отстраните мртвата кожа, а кога ќе ги измиете усните од оваа мешавина, ќе бидете изненадени од нивната мекост.
5. Отстранувач на шминка
На памук нанесете малку маслиново масло и со него поминете преку очите и лицето. Маслиновото масло ќе ги собере сите производи од кожата и ќе го остави вашето лице чисто и свежо.
6. Маска за коса
Во микробранова печка загрејте маслиново масло на неколку секунди и нанесете го на косата. Оставете го да делува 20 минути, а потоа измијте ја косата на начин на кој вообичаено го правите тоа. Маската од маслиново масло дополнително ја хидрира вашата коса и кожата на главата.
