5 начини како да им помогнете на вашите деца да престанат да се плашат од темнината

Едно истражување спроведено врз 122 испитаници открило дека 54% од нив ја навеле темнината меѓу своите 5 најголеми стравови. Ако возрасните го имаат овој страв, не е ни чудо што децата замислуваат чудовишта под својот кревет и гледаат застрашувачки сенки. Иако многу деца го надминуваат тој страв со текот на годините, постојат начини на кои можете да им помогнете порано да се ослободат од овој страв. Прочитајте што можете да направите за да му помогнете на вашето дете да собере храброст и да престане да се плаши од темнината.

1. Слушајте го вашето дете

5 начини како да им помогнете на вашите деца да престанат да се плашат од темнината

Сфатете го сериозно стравот на вашето дете и ислушајте го. Не отфрлајте го со едноставно проверување под неговиот кревет и велејќи дека нема чудовишта таму. Тоа всушност може да ги влоши работите затоа што може да му покажете на вашето дете дека верувате дека тие чудовишта може да бидат вистински.

Прашајте го што точно го тера да се чувствува исплашено и покажете му дека го разбирате неговиот страв. На крајот, уверете го дека е безбедно и дека ќе бидете тука за него ако повторно се чувствува исплашено.

2. Фалете го вашето дете

5 начини како да им помогнете на вашите деца да престанат да се плашат од темнината

Истражувањата покажаа дека позитивните искази можат да го променат начинот на размислување. Тоа значи дека ако си кажете нешто позитивно, можеби ќе почнете да верувате во тоа. Ако му кажете на вашето дете дека е храбро и ако го пофалите што се соочило со стравот од темнина, тие позитивни зборови може да му помогнат навистина да верува дека може да го надмине стравот.

3. Забавувајте се со ноќни светла

5 начини како да им помогнете на вашите деца да престанат да се плашат од темнината

Постојат многу креативни ноќни светла што може да му помогнат на вашето дете да се опушти и да се чувствува безбедно. На пример, има ноќни светла во облик на животни, проектори на ѕвезди или светла што може да ги ставите низ собата на вашето дете или низ куќата ако треба да одат во тоалет среде ноќ. Исто така, ако користи обична ламба, треба да проверите да не формира застрашувачки сенки. Друга работа на која треба да обрнете внимание е светлината на овие уреди што може да го нарушат сонот.

4. Претворете ја темната соба во игралиште

5 начини како да им помогнете на вашите деца да престанат да се плашат од темнината

Вашето дете може да ја гледа темнината како нешто застрашувачко и опасно, но можете да го промените начинот на кој ја гледа својата соба и тоа што го чувствува кога е темно. На пример, можете да направите претстава со кукли во сенка, забава со белезици што светат во темнина или да носите кошули со отпечатоци што светат. Така, децата ќе научат да ја поврзуваат темнината со нешто што може да биде интересно и забавно.

5. Пробајте го овој трик од 10 секунди

5 начини како да им помогнете на вашите деца да престанат да се плашат од темнината

Причината поради која вашето дете се плаши од темнината можеби не се заснова на страв од самата темнина, туку на преминот кон неа. Кога одеднаш ќе ја исклучите светлината, очите заслепуваат неколку секунди затоа што треба да се приспособат на темнината. Во тие неколку секунди, вашето дете може да почне да се чувствува исплашено.

Постои трик со кој можете да се обидете да му помогнете на вашето дете полесно да се адаптира на темнината. Побарајте од него да ги затвори очите додека светлата се сè уште вклучени. Потоа исклучете ги, ставете ги рацете над очите на вашето дете и замолете го да брои до 10 заедно со вас. Откако ќе завршите, замолете го да ги отвори очите. Откако ќе го стори тоа, просторијата нема да изгледа толку темна како претходно, особено со ноќно светло.

Прочитајте во кој месец се раѓаат најпаметните деца.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Со пишување може да постигне многу. Никогаш не се откажува од своите соништа.

Поврзани содржини

Остави коментар