4 начини да останете позитивни

Позитивноста е особина со чијашто помош можете да направите многу работи за кои не сте ни помислувале дека сте способни. Но, што всушност значи да се биде позитивен? Дали станува збор за уметност на вештачко ментално уверување дека сѐ ќе биде во ред или пак за нешто сосема друго? Кога некои ситуации ќе се влошат, можете да се уверувате дека сѐ ќе се подобри и да си давате лажна надеж. Но, од еден аспект ова делува како незрела реакција. Во продолжение погледнете што ви е потребно за да останете позитивни.

4 начини да останете позитивни

1. Прифаќање на вистината

Кога одредени ситуации ќе се влошат, вие можете ментално да се уверувате дека сѐ ќе биде во ред и да си давате лажни ветувања. Но, ова претставува незрела реакција. Кога доаѓа до промени, не треба да ја негирате ситуацијата. Можете вештачки да се насмевнувате и да се уверувате дека работите ќе се средат, но болката ќе ви остане внатре. Прифаќањето на несреќните настани е неизбежно. Без разлика колку лесно и да звучи, ова е најголемиот предизвик од сите четири чекори. Верувајте и прифатете ги работите онакви какви што се.

2. Оптимизам

Не е важно колку лоша била ситуацијата, секогаш постои нешто добро што можете да го научите од неа. Не е секое зло за зло. Треба да ги побарате позитивните работи од навидум трагичните и негативни случувања.

3. Благодарност

Ако можете да му бидете благодарни на Бог и на другите околу вас за сѐ она што постојано го добивате, ќе останете позитивни, наместо цинични. Цинизмот ја исцрпува вашата животна енергија, а благодарноста ви дава чисто срце и мирен ум. Кога животот кон вас се однесува лошо, вие можете да се сконцентрирате на работите кои ви ги дал, иако можеби и не сте ги заслужиле. Една изрека вели: „Немав чевли, па се жалев сѐ додека не сретнав човек кој нема нозе.“ Доколку секогаш сметате дека заслужувате нешто повеќе, никогаш нема да бидете благодарни. Благодарноста доаѓа кога ќе почнете да сфаќате дека имате многу повеќе отколку што сте заслужиле.

4. Вреднување на доброто во другите

Убавите зборови за охрабрување и искрената благодарност кон другите шири позитивна енергија, а особено помеѓу оние кои доаѓаат во близок контакт со вас. Кога ќе го вреднувате доброто во другите тоа ќе ве направи посреќни, попозитивни и поисполнети. Светот е преполн со луѓе кои во другите го бараат само лошото, но позитивната личност се фокусира на доброто. Тоа ја разгорува искрата на добрината која постои во луѓето и се претвора во оган. Луѓето кои секогаш се охрабрувани, се чувствуваат доволно моќни за позитивно да влијаат на животите на другите.

За авторот
Економист во изградба, а страстен обожавател на пишаниот збор уште откако знае за себе. Смета дека животот без домашно милениче не изгледа комплетен, а кафето со многу шеќер го смета за едно најубавите утрински задоволства.

Поврзани содржини

Остави коментар