4 маникири што ќе бидат хит оваа пролет

Иако најверојатно веќе ги знаете трендовите за оваа пролет, доколку сакате постојано да изгледате совршено, од голема важност е и вашиот маникир. Според некои од најпознатите салони за убавина, следниве 4 маникири ќе бидат вистински хит оваа сезона.

1. Бел маникир

4 маникири што ќе бидат хит оваа пролет

Покрај белите чевли и украси за коса, и белите нокти се водечки тренд оваа пролет. Белите нокти го истакнуваат пролетниот и летниот сјај и секогаш изгледаат свежо и чисто. Исто така нема потреба премногу да внимавате на облеката, бидејќи одговараат со секоја боја. За најдобар изглед, осигурете се дека ќе користите густ лак што ќе го покрие целиот нокот.

Белиот лак можете да го замените и со пастелни и „нуд“ нијанси, кои се исто многу популарни. Најпознати се бојата на лаванда и јоргован.

2. Силни и потемни нијанси на црвена

4 маникири што ќе бидат хит оваа пролет

Најчесто темните бои се поврзуваат со постудените месеци, но оваа година не мора да го следите ова правило. Слободно носете потемен лак и во пролетните денови. Најголем хит се потемните нијанси на црвена, но исто популарна е и силната црвена боја, па дури и портокаловата.

3. Неонски бои

4 маникири што ќе бидат хит оваа пролет

Неонските бои веќе неколку години се присутни во светот на маникирот. Беа популарни изминатава зима, а истото важи и за пролетта. Силните бои се секогаш добар избор за потоплите денови, а овој пат се уште посветли. Без разлика дали ќе одберете целосен маникир, некој дезен или само еден нагласен нокот, вашиот храбар изглед сигурно ќе се истакне.

4. Геометриски дезени со две бои

4 маникири што ќе бидат хит оваа пролет

Оваа сезона популарни се и геометриските дезени со две бои, кои се навистина впечатлив детаљ. Овој маникир не привлекува многу внимание и најдобро стои на нокти со природен облик и со средна или кратка должина. Исто популарна е и формата на бадем.

Погледнете ги и модните додатоци во кои треба да вложите оваа пролет.

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар