16 причини зошто вашето момче ве третира лошо

16 причини зошто вашето момче ве третира лошо

Многу малку можете да промените во врска со ова. Она што можете да го промените е во делот со комуникацијата и искреноста – преку што само ќе си потврдите дека не треба повеќе да вложувате во таа врска, бидејќи вашите вредности, мотиви, желби и цели потполно се разликуваат.

Во ред е некому да му дадете шанса бидејќи на тој начин ги почитувате своите чувства. Но, не можете долго време да глумите дека сè е во ред, затоа што ако вашиот партнер не ги почитува вашите чувства, тоа веќе не е партнерство. Погледнете го списокот на можните 16 причини зошто вашето момче ве третира лошо.

1-16-prichini-zoshto-vasheto-momche-ve-tretira-www.kafepauza.mk_

1. Нема сериозни намери – Можеби никогаш ги немал, а можеби и ви го кажал тоа, само не сте го сфатиле сериозно. Тој не го сака истото што и вие.

2. Си игра со вас – Забавно му е да ја испробува неговата машка моќ над вас. Ве тестира и проучува како функционира она клише за тоа дека колку повеќе ве одбива и ве држи во несигурност, толку повеќе ќе го сакате.

3. Недостаток на комуникација – Можеби погрешно се разбирате, бидејќи никогаш не разговарате отворено за вашите чувства, желби, намери и цели. Пробајте да разговарате чесно и искрено.

4. Има проблем со некоја зависност – Земете ја предвид и можноста дека можеби е зависник и обрнете внимание на симптомите. Зависниците немаат вистински пријатели и љубов, бидејќи имаат еден приоритет во животот. А вие не сте ниту медицинска сестра ниту терапевт, туку вам ви се потребни активни партнерски односи.

5. Му фали домашно воспитување – Немало кој да го научи на манири, па не знае како да постапува и да комуницира со жените како вистински џентлмен. Можеби може да научи, освен ако однесувањето не му е во комбинација со уште некоја причина од останатите.

6. Ве користи – За секс, да му правите друштво, да се чувствува како да има некого, дека не е сам. Ако од вас позајмува пари, од која било причина, и ве убедува дека дупло ќе ви ги врати ако излезе добро неговиот план, тогаш тој ве лаже и ве искористува. И најверојатно не сте единствената жена што го има тоа искуство со него.

7. Досадна сте му – И повеќе не е заинтересиран за вас. Со вас е сè додека не најде некоја нова. Најверојатно сите врски му завршуваат на овој начин.

8. Не сте му важна толку многу како што тој ви е важен вам – Ние многу често ги ставаме мажите во центарот на нашиот свет и не ни е јасно зошто кај нив не е исто. Поважни му се: работата, пријателите, хобито. Сепак, ако секогаш тие нешта му се поважни од вас, веројатно вие и не сте му толку многу важна.

2-16-prichini-zoshto-vasheto-momche-ve-tretira-www.kafepauza.mk_

9. Мисли дека сте премногу нападна – И постојано се брани. Премногу сте отворена, искрена, страсна, а тоа не е по негова мера. Тој сака дистанца. Никогаш нема да се прилагоди на тоа, а исто така нема да ви го пружи оној интензитет што вие го барате.

10. Ви се одмаздува – Вратете си го филмот, можеби со неговото однесување ве казнува за некоја ваша постапка.

11. Кукавица е – Можеби сака да раскине, но мрази да се соочува со тоа и не сака тој да биде крив, па целата вина ја префрла на вас за на крај вие да го оставите него.

12. Мисли на некоја друга – Можеби е заљубен во друга жена. Болно, но ако тоа навистина е така, тогаш нема што да барате повеќе со него.

13. Го нервира тоа што сте премногу врзана за него – Беспомошнa сте без него, зависите од неговите асистенции во практичните работи, од неговото присуство и внимание. Тоа го нервира и затоа го намалува неговото внимание кон вас, бидејќи не може да ви каже „порасни, стани независна и биди жена“.

14. Не го разбирате – Можеби тој е сосема добро момче, но не ги исполнува вашите услови за тоа како треба да изгледа совршеното момче. Можеби ви се чини дека тој е ладен кон вас, бидејќи тој својата приврзаност ја искажува на друг начин. Обрнете внимание.

15. Имате различни потреби – За вас е потребно да се гледате секој ден, а додека тој мисли дека гледањето еднаш во неделата е сосема во ред. Ова нема да оди.

16. Тој е лоша личност – Ова не е крајна и последна можност, иако е на последното место. Распрашајте се малку за него, слушнете што другите ќе кажат за него. Лошиот човек не е лош само во врските, туку има и бивши пријатели кои ги издал и предал.

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар