Претходно
Три прекрасни верзии на „Veyron Grand Sport“ од Бугати
Датум: 14 ное 2011
Коментари: 0
Луѓето кои можат да се пофалат дека во својата гаража поседуваат „Bugatti Veyron Grand Sport“ се навистина големи среќници. Тоа е така од проста причина што компанијата дозволува купувачите максимално да си го персонализираат возилото, па така секое од нив е уникатно на свој начин. За да ја промовира оваа поволност на големото авто шоу во Дубаи, компанијата „Бугати“ претстави 3 прекрасни можни концепти од овој модел. Сите три верзии се направени со цел на клиентите да им се прикажат можностите на компанијата и да им се излезе во пресрет на нивните побарувања и желби.
Првата верзија е можеби најинтересната, благодарение на жолтата шасија со црни елементи изработени од карбонски влакна. Истите бои се искористени и во внатрешноста, бидејќи тие биле омилените на основачот Еторе Бугати. Ентериерот е изработен од кожа и од карбонски влакна. Цената на автомобилот изнесува 1,53 милиони евра (2,15 милиони американски долари).
Втората верзија е направена од сини карбонски влакна и алуминиум. Ентериерот е изработен од кожа во портокалова и индиго боја, како и со елементи изработени од темно сини карбонски влакна. Цената на овој модел изнесува 1,74 милиони евра (2,37 милиони американски долари).
Третата верзија е изработена од зелени карбонски влакна и полиран алуминиум. Истите бои се употребени за изработка на ентериерот. Цената на овој модел изнесува 1,74 милиони евра.
———————————————————————————————————————————————————————
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
