Технолошки совети од една бабичка

Технолошки совети од една бабичка

Децата, а особено тинејџерите, никогаш не ги слушаат советите кои им ги даваат нивните родители, баби и дедовци, бидејќи сметаат дека знаат сè и нема потреба ништо да им се објаснува. Но, Аргентинецот Чачо Пуебла, кој работи во маркетинг агенција во Мадрид, сфатил дека, како одминуваат годините, сè повеќе му ги кажува на неговиот син, истите совети кои ги сметал за неважни кога тој бил дете. Како што се навраќал кон спомените поврзани со вредностите на кои неговото семејство го учело, почнал да се запрашува какви совети би сакал да слушне поврзани со денешниот стил на живот.

Технолошки совети од една бабичка

„Никогаш, ама баш никогаш не му дозволувај на партнерот да ја дознае твојата лозинка. Верувај ми.“

Чачо ги искомбинирал талентот на неговата сестра за фотографија, прекрасните манекенски пози на неговата баба и неговата љубов кон типографијата и така го создал неговиот фантастичен проект „Grandmother Tips“ (Совети од баба). Советите се однесуваат на денешнава ера на технологии и социјални медиуми, кои се убаво дизајнирани на хартија, а позирањето на неговата „модерна“ баба, ги прави овие фотографии неверојатно слатки и интересни.

Технолошки совети од една бабичка

„Немој да мислиш дека си фотограф, само затоа што користиш Инстаграм.“

Технолошки совети од една бабичка

„Никогаш немој да играш 'World of Warcraft'. Многу, многу, многу е заразно.“

„Ја обожавам типографијата уште од кога бев дете. Сакав да направам нешто во врска со тоа. Фино е што на луѓето им се допаѓа.“

Технолошки совети од една бабичка

„На Вимео има подобар квалитет, но на Јутјуб има повеќе содржина.“

На прашањето, како неговата баба реагирала на овој проект и популарноста која ја стекнува, Чачо вели: „Таа е навистина среќна, но не бидејќи се гледа себеси на интернет (таа не ни знае што е тоа интернет)… но сака да го направи нејзиниот внук среќен, така што ќе му помогне околу работата на неговите проекти.

Технолошки совети од една бабичка

„Синко, немој да твиташ, само колку да се рече дека си твитнал.“

И покрај тоа што неговиот проект ја потенцира разликата помеѓу генерациите, тој смета дека, во принцип нема толку големи разлики, освен во начинот на комуницирање.

Технолошки совети од една бабичка

„Немој да купуваш апликација која има грдо лого.“

„Напредокот во технологијата и индустријата и промените во животниот стил, сигурно изгледале возбудливо и застрашувачки и порано, исто како што ни изгледаат нам сега, но сепак, преминувањето од радио на телевизија изгледа како помал чекор во однос на она што се случува сега. Мене ми изгледа како целата човекова раса да расте. Технологијата и новите начини на комуникација, социјализација и споделување, нè принудуваат да се втурнеме во нешто големо. Се надевам дека ваквиот начин на живот е чекор напред, бидејќи сум многу засрамен од она што ние, како човечка раса, сме го постигнале за сиве овие години и не сме еволуирале брзо како нашите пронајдоци.“

Технолошки совети од една бабичка

„Немој да веруваш во сè што ќе прочиташ и видиш на Википедија.“

———————————————————————————————————————————————————————

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Љубопитна новинарка и маркетерка со истражувачки дух, која е во вечна потрага по доза креативност. Животно мото ѝ е дека без утринско кафе, испеана песна и барем малку возбуда, не треба да ѝ помине ниту еден ден. Неостварен сон - да го прошета светот.

Поврзани содржини

Остави коментар