Претходно
Поучна приказна: Двајца се караат, третиот добива
По завршувањето на голем шумски фестивал, две мачки се шетале низ дрвјата, предејќи една на друга. Во еден момент, една од мачките забележала голема торта и скокнала кон неа но ја промашила. Тогаш другата скокнала и ја фатила.
„Дај ми ја тортата, јас ја видов прва!“ – рекла првата мачка.
„Тргни се од неа, јас ја фатив!“ – свикала другата мачка.
Тие продолжиле со расправијата, а потоа почнале и да се тепаат. Но никако да најдат решение. Тогаш еден мајмун поминувал во близина и ги забележал будалестите мачки па си помислил да ја искористи дадената шанса.
Им се приближил на мачките и свикал силно:
„Не се карајте. Дајте ми ја тортата на мене и ќе ја поделам праведно.“
Тие веднаш се смириле и му ја подале тортата. Тој ја зел и потоа ја поделил на два дела, но ја протресол главата и рекол:
„Ох, леле. Едното парче е поголемо од другото.“
Мајмунот гризнал дел од поголемото парче, за да ги израмни, но изгледа претерал…
„Ох, леле. Сега ова парче е помало од другото.“
Тој продолжил со одгризувањето сè додека не ги изел и двата тела од тортата. Кутрите мачки биле разочарани, а мајмунот задоволно си го протрил полниот стомак.
Поука: Кога двајца се караат, третиот добива.
5 кратки приказни кои треба да ги читате секојдневно: Станете после секој пораз, а низ животот одете со мали чекори!
