Претходно
Популарни блогови од познатите личности
Автор: Софија Сионова
Изненадувачки, има многу прекрасни блогови кои ги водат познати личности. Таму, тие зборуваат за мода, убавина, здравје и сѐ останато како и обичните луѓе. Убаво е да видиме дека и познатите личности даваат корисни совети и имаат проблеми како и нормалните луѓе. Погледнете ги некои од блоговите на познатите:
1. Шеј Мичел и Микаела Блени
Ѕвездата од „Слатки мали лажливки“, Шеј Мичел (Емили), заедно со Микаела Блени дискутираат за мода, готвење, фитнес и многу повеќе. Интересно за овој блог е што Мичел е во постојан контакт со нејзините фанови. Шеј постојано има обожаватели/читатели кои поднесуваат рецепти и потоа таа ги објавува. Ова е само еден од многуте вакви блогови кои ги водат познати личности.
2. Никол „Снуки“ Полици
Ова е еден интересен сајт кој на многу луѓе им е омилен. Таа секогаш објавува забавни содржини и често пишува за својот син, Лоренцо. Во текот на нејзината втора бременост, таа објави многу корисни совети за идните мајки.
3. Лорен Конрад
Позната како модна блогерка, зависник од мода и моден креатор, Конрад веќе ја освои публиката со нејзините слатки креации и убави совети. Овој сајт веќе со години е популарен и многу е јасна причината зошто.
4. Зои Дешанел
Основан од младата актерка Зои Дешанел заедно со продуцентката Софија Роси и интернет сензацијата Моли Мекалир. Ако сакате да читате за паметни, смешни и креативни жени тогаш ова е дефинитивно сајт кој многу ќе ви се допадне. Исто така има многу постови со „направи сам“ туторијали, теми поврзани со пријателствата, љубовта и врските, убавината, поп културата и за сѐ останато што жените сакаат да го читаат.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
