Погледнете ги овие едноставни, но прекрасни секојдневни задоволства

Погледнете ги овие едноставни, но прекрасни секојдневни задоволства

Едноставните задоволства се токму тоа: Едноставни! И кога имате тешки денови, постојат мали нешта коишто може да го подобрат вашето расположение и да направат бар за миг да заборавите на лошите работи и да се препуштите на секојдневните мали уживања. Сепак, понекогаш, тешко е да сфатите дека токму овие мали нешта биле вистинската светла точка во вашиот ден. Во продолжение погледнете ги овие 25 работи коишто на некој необјаснив начин овозможуваат големо задоволство.

1. Излегување надвор. Свежиот воздух го подобрува вашето расположение и го зголемува нивото на витаминот Д.

2. Кога ќе видите некој/а што го/ја сакате. Не е важно дали таа личност последен пат сте ја виделе пред 5 недели или пред 5 минути. Тоа е секогаш возбудливо.

3. Кога сте сами дома. Едноставно, можете да правите сè што ќе посакате!

4. Танцување. Нема ништо подобро од танцувањето како никој да не гледа!

5. Чаша чај или кафе. Понекогаш уживањето во пијалакот којшто го обожавате може да биде најслаткото задоволство во денот.

6. Кратка дремка. Подгответе се и затворете ги очите. Дури и петминутниот одмор на тивко место може значително да ви ја зголеми енергијата.

7. Слушање на вашата омилена песна. Можеби затоа што ви буди интересни спомени?

8. Сончев ден после дождливиот. После дождот доаѓа сонце, а со тоа и нови перспективи.

9. Кога не морате да го поставите алармот за наредниот ден. Има нешто прекрасно во тоа дека немате задолжително време за будење наредниот ден.

10. Кога ќе се вратите дома и ќе видите дека е пристигнат долго очекуваниот пакет нарачан онлајн. Ова е како еден вид подарок од вас, за вас. Сепак, забавните работи ве прават посреќни!

11. Кога ќе пронајдете заборавени пари во вашиот џеб. Без разлика колкава сума пари сте пронашле. Ова е едно од најдобрите чувства.

12. Гледање на изгрејсонцето/зајдисонцето. Оваа магична глетка ќе направи да се чувствувате исполнето.

13. Кога веб-сајтот којшто го пребарувате се отвора премногу брзо. Без нервози и чекања. Супер!

14. Кога чувствувате дека имате најдобар пријател. Секогаш е добро да знаете дека имате некој покрај вас на кого можете да се потпрете.

15. Читање поглавје од вашата омилена книга. Секогаш е добро среќавањето со стариот, омилен пријател којшто живее меѓу кориците.

16. Кога ќе откриете некоја нова песна којашто сте ја барале. Конечно. Сега веќе можете да ја повторувате уште еднаш и уште еднаш…

17. Испраќање пораки на себеси за да се потсетите за нешто. Насмевнете се. Ова е забавен начин да не заборавите некоја од вашите обврски.

18. Кога играте со некое животно. Домашните миленичиња може навистина да ви го разубават денот. Доколку немате свое, посегнете кон миленичето на вашиот пријател. Секако, ќе ги имате истите придобивки.

19. Гледање на омилениот филм. Сигурно веќе го знаете редоследот на секоја сцена. Но, тоа не е никогаш досадно.

20. Кога има слободна безжична интернет конекција. Без разлика дали очекувате порака од вашиот пријател или важен мејл од работа, прекрасно е кога можете да проверите и тоа бесплатно!

21. Кога можете да насмевнете некого. Зголемете ја вашата среќа со тоа што ќе направите некого среќен.

22. Кога возите со отворени прозорци. Почекајте го топлото време и препуштете се на ова задоволство.

23.Кога споделувате нешто со некој. Без разлика дали ќе го споделите омиленото чоколадо или пак ќе бидете нечие друштво за прошетка, секогаш е добро да се знае дека имате некој со којшто можете да споделувате многу работи и моменти.

24. Кога чистите нешто, макар тоа да е и нешто мало. Започнете со чистење и ослободете ги вашите мисли.

25. Петок. Постои нешто возбудливо во четврток, а тоа е дека доаѓа петок. А кога вистински е петок, е тогаш е прекрасно!


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Економист во изградба, а страстен обожавател на пишаниот збор уште откако знае за себе. Смета дека животот без домашно милениче не изгледа комплетен, а кафето со многу шеќер го смета за едно најубавите утрински задоволства.

Поврзани содржини

Остави коментар