Нов луд тренд: Вежбање јога со алпаки

Часовите по јога со алпаки можеби ќе бидат новиот луд тренд во сферата на здравиот живот. Не можете да одречете дека алпаките се навистина слатки суштества, па замислете си да се истегнувате во нивното друштво. Тие не касаат и нема да ви пречат и се сметат за едни од најмирните и најдобрите животни со кои можете да поминувате време. Се разбира, ова е и целата поента на јогата со алпаки – тие се толку кротки што само додаваат на мирната атмосфера за време на вежбањето.

Нов луд тренд: Вежбање јога со алпаки

Британскиот пар Ник и Луси Ајлет е одговорен за оваа идеја. Тие се првите луѓе во Британија кои нудат вакви часови. Часовите јога се одвиваат на нивната фарма за алпаки позната како „Rosebud Alpacas“, која се наоѓа во Јужен Молтон, Девон. Тие нудат и други услуги, како цртање и медитација со стадото алпаки.

Нов луд тренд: Вежбање јога со алпаки

Овде нема никаква врева што ќе ви го одвлече вниманието, бидејќи фармата се наоѓа далеку од градовите. Според сопствениците, ова е совршена локација за смирувачки активности. Во комбинација со кротките животни, овие часови навистина звучат примамливо.

„Тие се многу релаксирани, па тоа само додава на опуштањето. На нашата локација не се случува многу, ако медитирате нема да го слушате сообраќајот, сè е многу тивко и алпаките само придонесуваат во тоа. Алпаките имаат навистина мирно присуство, речиси како коњите. Кога сме со нив се чувствуваме без стрес“, изјавила Луси.

Нов луд тренд: Вежбање јога со алпаки

Парот изјавил дека од моментот кога почнале да работат со алпаки, сфатиле дека времето им минувало брзо и дека се чувствувале слободно и среќно. Сакале да го споделат ова чувство со целиот свет.

Фармата е нивниот дом. Ова е посебно место за нив и тие чувствуваат потреба да го споделат со другите, бидејќи навистина сакаат луѓе и сакаат сите да уживаат, исто како и нив. Секој час по јога го води квалификуван инструктор.

„Ова е место каде што луѓето можат да дојдат за да избегаат и да поминат време настрана од технологијата и нивните зафатени животи. Ова е можност да се поврзат со земјата, животните и едни со други. Нашиот сон е ова место да стане засолниште за луѓето кои доаѓаат и да се чувствуваат како дома“, изјавил Ник.

Нов луд тренд: Вежбање јога со алпаки

Јогата не е единственото нешто што можете да го правите на фармата. Парот исто така нуди пикник со алпаки, уметнички сеанси со животните и посебен пакет за „поврзување со алпаките“. Во овој случај посетителите медитираат и имаат можност да се движат низ стадото.

Нов луд тренд: Вежбање јога со алпаки

Најважно од сè, Ник и Луси нагласуваат дека животните на фармата се одгледуваат на најдобар начин и „со слобода на избор“. Ништо не им е поважно од здравјето на нивните животни и од среќата на луѓето кои доаѓаат да искусат нешто ново.

Дали знаевте дека постои и вежбање јога со пиво?


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар