Претходно
Незамисливата одлука на оваа невеста доби пофалби од сите мажи
Датум: 27 авг 2016
Коментари: 0
Фотографијата од невестата, која на денот на свадбата донела за многумина „незамислива“ одлука, со неверојатна брзина се рашири на Интернет.
Бусола Џонсон на нејзината свадба изгледала како вистинска традиционална невеста во бела венчаница, но нејзината одлука била сѐ само не традиционална.
Имено, Бусола не се нашминкала за нејзиниот најважен ден во животот.
„Одбив да носам шминка. И на мојот сопруг тоа му се допаѓа“, напишала таа на нејзината фотографија објавена на Фејсбук.
Фотографијата набрзо се раширила на Интернет и наишла на позитивни реакции од жените, но и од мажите ширум светот.
„Ти си една во милион, тешко е да се најде жена како тебе“, гласи еден од коментарите.
За многу поранешни и идни невести оваа одлука е незамислива. Повеќето жени сакаат да заблескаат во полн сјај на денот на нивната свадба и со помош на шминка дополнително да ги нагласат сите главни адути на нивното лице, како што се очите, усните или едноставно да покријат некое мозолче.
Мала е веројатноста дека жените целосно би се откажале од шминката, но Бусола на сите им покажа дека би требало помалку да се нервираме околу нашиот изглед, дури и во вакви ситуации кога сите погледи ќе бидат свртени кон нас.
Бусола нѐ учи на една важна животна лекција дека постојат многу позначајни работи од оние површните, како што е надворешниот изглед. Дали доколку поминеме цел ден во нервирање околу фризурата и шминката ќе бидеме опуштени и ќе можеме вистински да уживаме во свадбата? Веројатно не. Во ред е да сакаме да изгледаме убаво, но тоа никако не смее да стане нашата главна преокупација поради која ќе ги заборавиме нештата кои навистина вредат.
