Претходно
Направете сами: Полици од стари куфери
Сигурно секој од вас има стари куфери оставени некаде, кои сте ги замениле со нови модели, полесни за користење. Но, тоа не значи дека треба старите да ги фрлите, туку можете да им дадете нова намена, односно од нив да создадете полици.
Доволно широки за да ставите вазна, свеќник или друг декоративен предмет, овие интересни полици совршено ќе се вклопат како во дневната, така и во спалната соба, трпезаријата или пак ходникот, создавајќи ретро изглед. Погледнете како самите да го направите тоа.
Потребен материјал:
- Стари куфери
- Дебела плоча од дрво (приближно 20х60 сантиметри за еден куфер)
- Лента која лесно се одлепува
- Пила за сечење метал
- Либела
- Дупчалка
- Приклучоци
- Шрафови
- Шрафцигер
Начин на изработка:
1. Извадете го материјалот со кој е обложена внатрешноста на куферот. Тоа ќе ви го олесни сечењето и ќе го намали нередот при овој процес. Тоа лесно може да се извади, само фатете за едното ќоше и повлечете.
2. Одредете колкава ќе биде ширината на полиците, па измерете го куферот, а таа област што ќе ја сечете, одбележете ја со лента. Преку лентата нацртајте прецизна линија по која ќе се водите при сечењето. Таа ќе спречи да не го оштетите куферот при сечењето.
3. Прегледајте го куферот на означеното место, затоа што повеќето стари модели имаат метална лента по средината на местото каде што се поклопува, па за нејзино отстранување треба да користите пила за сечење метал.
4. Направете дрвен панел кој има две цели: Претставува потпора за куферот да не пропаѓа и основа која ќе го држи на ѕидот. Измерете го отворот на куферот и исечете парче плоча со димензиите кои одговараат.
Ако плочата е тенка, па не е доволно широка за да можете да ги зацврстите шрафовите на куферот, на краевите закачете мали дрвени делови како што е прикажано на сликата.
5. Поставете го дрвениот држач на ѕидот, така што ќе направите дупки што ќе одговараат на вашите димензии. Поставете ги приклучоците и шрафовите, па прицврстете ја плочата за ѕидот. Потоа, зашрафете го куферот за плочата и вашата полица е готова!
