Најубавото љубовно писмо на сите времиња: Ти си главната причина поради којашто постојам…

Роденденската честитка којашто Џони Кеш ја напишал до својата сопруга Џун Картер е прогласено за најубавото љубовно писмо на сите времиња. Имено, писмото било напишано во 1994 година, кога познатиот Кеш ѝ го честитал 65-от роденден на својата сопруга и од тогаш па навака служи како „калап“ за составување прекрасни писма преку кои ги искажуваме своите емоции. Затоа и било изгласано од луѓето ширум светот како најубавото и најискреното писмо полно со емоции коешто некогаш го прочитале. Уживајте во него и фатете го пенкалото во раце, за и вие да напишете нешто вакво за вашите љубени…

Среќен роденден, принцезо. Старееме и се навикнуваме еден на друг. Исто размислуваме. Си ги читаме мислите еден на друг. Знаеме што сакаме без ниту едно поставено прашање. Понекогаш и по малку си газиме на живци. Понекогаш можеби и се земаме здраво за готово. Но понекогаш, како денес, размислувам за сè и ми станува јасно колку сум среќен што го поминав животот со најдобрата жена која некогаш сум ја запознал. Уште ме фасцинираш и ме инспирираш. Твоето влијание ме прави подобар. Ти си предмет на моите желби и главната причина поради којашто постојам. Силно те љубам.

Среќен роденден, принцезо

Џон

Прочитајте го и ова страсно љубовно писмо напишано од писателот Хенри Милер до неговата љубовница.

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар