Претходно
Најчистото езеро во светот
Датум: 18 јун 2013
Коментари: 0
Синото Езеро или Rotomairewhenua на маорски јазик, е мало свежо езерце во Националниот Парк Нелсонски Езера, во северните предели на Јужните Алпи во Нов Зеланд.
Во истражување од 2011 спроведено со неколку посети со хеликоптер и специјална опрема, истражувачите од Националниот институт за истражување води и атмосфера (NIWA), откриле дека езерото има екстремна визуелна оптичка бистрина до воодушевувачки 80 метри длабочина, што е речиси чисто колку и дестилираната вода.
Езерото се карактеризира со сино-виолетова боја, која може да се види само во најчистите природни води. Тоа се полни напролет од соседното глацијално езеро Констанс, а водата поминува низ брана формирана од лизгачки одрони. Природната брана ги филтрира скоро сите честички кои ги има во водата, давајќи му ја на езерото најинтензивната сино-виолетова боја.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
