Претходно
Љубителите на фантазијата и научната фантастика се најдобри партнери
Добро е познато дека доколку сакате да го најдете вистинскиот партнер, прво проверете дали таа личност чита книги. Сега пак знаеме и кои книги би требало да ги чита личноста доколку барате совршен партнер.
Имено, според едно неодамнешно истражување, читателите на фантазија и научна фантастика се најмалку склони кон нереални верувања и очекувања во врската.
Испитаниците најпрво биле испрашувани за автори од различни жанрови – од класична литература и научна фантастика, па сè до хорор автори. Потоа испитаниците одговарале прашања за нереалните верувања во врските. Тие оценувале колку се согласуваат со дадените изјави како: „Луѓето кои се во близок однос можат да ги почувствуваат потребите на другиот, како да му ги читаат милите“.
Покрај очекувањето партнерот да им ги чита мислите, научниците го истражувале и ставот на испитаниците за следниве тврдења – несложувањето е деструктивно, партнерите не се менуваат, како и за очекувањето сексуално совршенство. Добиените резултати покажале дека љубителите на фантазијата и научната фантастика немаат нереални очекувања од партнерот.
Двете тврдења кои фановите на овие жанрови ги одбивале биле верувањето дека несложувањето е деструктивно и дека партнерот не може да се промени. Токму овие тврдења најчесто предизвикуваат проблеми во реалните врски.
Погледнете и зошто е добро да се вљубите во личност која сака да чита книги.
