Која е разликата помеѓу зависта и љубомората?

Зависта и љубомората се две различни емоции кои честопати се мешаат. Можете да прашате десет луѓе за разликата помеѓу нив и ќе добиете десет различни одговори. Но, во психологијата се прави јасно разграничување помеѓу двете.

Која е разликата помеѓу зависта и љубомората?

Зависта е емоција која се јавува кога кај некого ќе забележиме нешто што нам ни недостасува.

За разлика од неа, љубомората се јавува кога нешто што веќе го имаме го чувствуваме како загрозено од нешто трето.

Во ситуацијата на зависта има само две личности: едната која има нешто и друга која завидува затоа што чувствува дека тоа нешто ѝ недостасува.

При љубомората има три личности: една која има посебна врска со некого и која чувствува дека таа врска станува загрозена поради некој трет.

Пример за завист е кога посакувате да имате убава долга коса како вашата другарка, да заработувате како вашата братучетка или добро да играте кошарка како вашиот пријател. Тоа често се меша со љубомора, но не се работи за тоа.

Љубомора постои кога ќе забележите дека вашата девојка или момче гласно се смее на нечии шеги и сметате дека таа трета личност може да ги наруши односите во врската за која вие се залагате.

Постои можност да се јават и двете емоции одеднаш, кога врската ви е загрозена од личност на која ѝ завидувате за нешто, а тоа може да биде тешко и интензивно емоционално искуство.

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Го интересираат општествените науки и сето она што ја истражува повеќедимензионалноста на светот и човековото однесување, но од тоа само правото му е професија. Вљубеник во филмот, фотографијата, читањето и сите спортови на овој свет. Пишувањето му е задоволство кое му овозможува да биде во контакт со нив секој ден.

Поврзани содржини

Остави коментар