Претходно
Како да направите модерна футрола за очила за помалку од 10 минути?
Денес, со новите модни трендови, изгледа како футролите за очилата да се толку големи што едвај ги собира во вашата торба. Затоа, погледнете го овој креативен начин сами да направите футрола која ќе биде ем убава ем функционална.
Ќе ви бидат потребни:
- Парче лесна ткаенина со должина и ширина од 30 сантиметри и боја по ваш избор
- Хартија
- Ножици
- Креда (или маркер кој остава видлива трага)
- Игла
- Конец
Начин на изработка:
1. Првото нешто што треба да го направите е да го исцртате или испечатите дизајнот на сликата подолу на еден лист хартија. Големината, се разбира, зависи од вашите очила. Потоа, исечете го со ножици.
2. Ставете ја скицата на средината од ткаенината која сте ја избрале.
3. Обележете ја со креда или со маркер и погрижете се тоа да биде што попрецизно.
4. Внимателно исечете го дизајнот. Ставете ги очилата за да проверите дали големината е точна и направете корекции со ножиците, доколку е потребно.
5. Сега ви е потребно парче од материјалот со ширина од 1 сантиметар и околу 35 сантиметри должина. Можете да го користите истиот материјал од погоре или да изберете некој сосема нов – не е важно.
6. Ставете го едниот крај на материјалот во центарот на дизајнот и зашијте го во две различни точки во форма на Х.
7. И тоа е сѐ! Доколку парчето материјал е предолго, едноставно скратете го со тоа што ќе го засечете на краевите.
