Инспиративни пораки поради кои ќе посакате да го освоите секој врв

Природата е нешто што отсекогаш го привлекувало човекот. Беспрекорна тишина во која може да се слушнат само црцорењето на птиците, веењето на ветрот низ гранките на дрвјата, џагорот на безброј различни инсекти и животинчиња чиј дом се планините и ливадите… А таму, чекорејќи по планинските патчиња, се чувствуваме помирни од кога било, поспокојни и посвесни за самите себе од каде било, освојувајќи нови врвови се чувствуваме сѐ поблиску до дома.

(1)-inspirativni-poraki-poradi-koi-kje-posakate-da-go-ovoite-sekoj-vrv-kafepauza.mk

А доколку сѐ уште не сте на пат кон освојување на некоја планина, тогаш следниве цитати сигурно ќе ве инспирираат да го направите тоа.

„Бидејќи на крајот, нема да се сеќавате на времето кое сте го поминале работејќи во канцеларија или косејќи го вашиот тревник. Искачете ја таа проклета планина.“ – Џек Керуак

„За мене планината е Буда. Помислете на трпението, стотиците илјади години како само седи таму во совршена тишина и како да се моли за сите живи суштества во таа тишина и само чека на нас да престанеме со сите наши грижи и будалаштини.“ – Џек Керуак

„Искачете ги планините и присвојте ги нивните добри карактеристики. Мирот на природата ќе протече низ вас како што сонцето се простира низ дрвјата. Ветровите ќе ја издуваат својата свежина во вас и бурите нивната енергија додека вашите грижи ќе паѓаат наоколу како лисјата на есента.“ – Џон Мјур

„Илјадници уморни, потресени и прецивилизирани луѓе почнуваат да откриваат дека одењето на планини е всушност одење дома. Дивината е неопходност.“ – Џон Мјур

„Планините ме викаат и јас морам да одам.“ – Џон Мјур

(3)-inspirativni-poraki-poradi-koi-kje-posakate-da-go-ovoite-sekoj-vrv-kafepauza.mk

„Ние сме сега во планините и тие се во нас, потпалувајќи ентузијазам, правејќи секој нерв во нас да трепери, чувствувајќи ја секоја пора и ќелија во нашето тело.“ – Џон Мјур

„Тој што се искачува на највисоките планини се смее на сите трагедии, реални и имагинарни.“ – Фридрих Ниче

„На планините на вистината никогаш не се искачувате залудно. Или ќе достигнете повисока точка денес или ќе ги тренирате вашите моќи за да можете да се искачите повисоко утре.“ – Фридрих Ниче

„Без разлика колку сте софистицирани, не можете да одбиете голема гранитна планина – таа ви зборува во тишина до сржта на вашето постоење.“ – Ансел Адамс

„Секој камен, секој свиок извикува ‘добредојде’ за него. Тој се поистоветува со планините и потоците, гледа дел од својата душа во растенијата и животните и птиците на полето.“ – Пауло Коелјо

(4)-inspirativni-poraki-poradi-koi-kje-posakate-da-go-ovoite-sekoj-vrv-kafepauza.mk

„Патот до врвот на планината е секогаш подолг одошто мислите. Не се залажувајте себеси, ќе дојде момент кога сѐ што ви делува блиску е сѐ уште далеку.“ – Пауло Коелјо

„Иако навистина сакам океани, пустини и други диви пејзажи, само планините ме повикуваат на тој болно магичен начин да чекорам сѐ подлабоко и подлабоко во нивната убавина. Постојано ме одржуваат во состојба да сакам да знам повеќе, да чувствувам повеќе, да гледам повеќе.“ – Викторија Ериксон

„Сум искачил повеќе високи планини без водич или патека и, како што може да се очекува, имам откриено дека вообичаено се потребни повеќе време и трпение отколку да патувате по најмазниот автопат.“ – Хенри Дејвид Тороу

„На пат си кон прекрасни места. Денес е твој ден. Твојата планина те чека, па, почни го својот пат.“ – Д-р Зус

„Позади сето она кое го посакуваме и од кое се плашиме дека може да се случи, имаме друг живот, бистар и слободен како планински поток.“ – Руми

(5)-inspirativni-poraki-poradi-koi-kje-posakate-da-go-ovoite-sekoj-vrv-kafepauza.mk

„Планините се проблем само тогаш кога се поголеми од тебе. Треба да се развиеш себеси толку многу што ќе бидеш поголем од планините со кои се соочуваш.“ – Идоу Којеникан

„Ако не можете да разберете дека во човекот постои нешто што одговара на предизвикот на оваа планина и оди да се соочи со него, дека борбата е борба на самиот живот нагоре и само нагоре, тогаш нема да согледате зошто одиме. Она што го добиваме од оваа авантура е огромна радост. А радоста, после сè, е крајот на животот. Не живееме за да јадеме и заработуваме. Јадеме и заработуваме за може да уживаме во животот. Тоа е значењето на животот и целта на животот.“ – Џорџ Малори

„Не ги освојуваме планините, туку себеси.“ – Сер Едмунд Хилари

„Искачете ја планината за да го прифатите предизвикот, да уживате во воздухот и погледот, а не за да го закачите вашето знаме. Искачете ја за да можете да го видите светот, а не за светот да ве види вас.“ – Дејвид Меккалоу Џуниор

„Кога се соочувате со планина имате неколку опции. Може да ја искачите и да преминете на другата страна. Може да одите околу неа. Може да копате под неа. Може да прелетате над неа. Може да ја дигнете во воздух. Може да ја игнорирате и да се преправате дека не е таму. Може да се свртите и да се вратите таму од каде сте дошле. Или може да останете на планината и да ја претворите во ваш дом.“ – Вера Назариан

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Дипломиран електроинженер по телекомуникации кој во слободно време обожава да пишува. Животен сон ѝ е да го прошета целиот свет уживајќи во добра книга и пријатно друштво. Настојува од секоја ситуација да го извлече најдоброто и не може да замисли денот да ѝ започне без шолја вкусно кафе.

Поврзани содржини

Остави коментар