Филмски парови кои обожаваме да ги гледаме заедно на големото платно - Part 2

Филмски парови кои обожаваме да ги гледаме заедно на големото платно

Сандра Булок и Кијану Ривс

Заеднички филмови: „Брзина“ (Speed) и „Куќата на езерото“ (The Lake House)

Наш фаворит е дефинитивно нивниот заеднички филм „Куќата на езерото“, бидејќи по кој знае кој пат нè убедува дека љубовта навистина не знае за препреки. Не живееме во исто време? Мала ситница.

7-akterski-parovi-koi-sekogash-sakame-da-gi-gledame-zaedno-na-ekranite-www.kafepauza.mk_

Ен Хатавеј и Џејк Гиленхал

Заеднички филмови: „Планината Броукбек“ (Brokeback Mountain) и „Љубов и други дроги“ (Love & Other Drugs)

Таа е убава, тој е згоден, но секако, тоа не е единствениот критериум поради кој сакаме да ги гледаме заедно. Сепак, веруваме дека и самите понекогаш ги оценувате филмовите само врз основа на главните актери. Признајте, не сме единствени!

8-akterski-parovi-koi-sekogash-sakame-da-gi-gledame-zaedno-na-ekranite-www.kafepauza.mk_

Рејчел Мекадамс и Овен Вилсон

Заеднички филмови: „Расипувачи на венчавки“ (Wedding Crаshers) и „Полноќ во Париз“ (Midnight in Paris)

Иако нема конкуренција на „Бележникот“, сепак Рајан и Рејчел се еден од најсовршените филмски парови. Но, бидејќи Рајан сепак мора да ѝ го препуштиме на Ема, тогаш Рејчел нека биде среќна со Овен. И тие како пар се така слатки, зарем не?

9-akterski-parovi-koi-sekogash-sakame-da-gi-gledame-zaedno-na-ekranite-www.kafepauza.mk_

Џенифер Лопез и Бен Афлек

Заеднички филмови: „Гигли“ (Gigli) и „Девојка од Џерси“ (Jersey Girl)

Првиот филм се смета за еден од најлошите комедии некогаш направени, додека пак во вториот Џенифер и Бен одвај и да се сретнуваат, бидејќи таа умира на породувањето. Но, затоа е тука нејзиниот спот за песната „Jenny From the Block“ кој е нивниот најдобар заеднички „филм“!

10-akterski-parovi-koi-sekogash-sakame-da-gi-gledame-zaedno-na-ekranite-www.kafepauza.mk_

Кејт Хадсон и Метју Меконахи

Заеднички филмови: „Како да изгубите дечко за 10 дена“ (How to Lose a Guy in 10 Days) и „Златото на будалата“ (Fool’s Gold)

Кејт и Метју се уште еден филмски пар за кој е навистина штета што не се заедно и во вистинскиот живот. На филмското платно тие се создадени како еден за друг. Токму поради тоа ги сакаме нивните шашави, а толку љубовни филмови!

11-akterski-parovi-koi-sekogash-sakame-da-gi-gledame-zaedno-na-ekranite-www.kafepauza.mk_

Анџелина Џоли и Бред Пит

Заеднички филмови: „Господин и госпоѓа Смит“ (Mr. and Mrs. Smith) и „Покрај морето“ (By The Sea)

Исто како вам, така и нам разделбата на овој пар и понатаму ни е слаба точка која никако не ја преболуваме. Но, кога ќе ве фати носталгијата за среќните времиња, само погледнете нивен заеднички филм и сѐ ќе биде како претходно…

12-akterski-parovi-koi-sekogash-sakame-da-gi-gledame-zaedno-na-ekranite-www.kafepauza.mk_


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар