Претходно
Девојка побарала совет од Твитер откако дечко ѝ ја критикувал за телото – одговорите ќе ве изненадат!
Едно од најлошите искуства што можете да преживеете е кога ќе се чувствувате лошо или виновно за начинот на кој изгледа вашето тело. Кога овие негативни чувства ќе бидат предизвикани од страна на личноста што треба да ве сака и поддржува, може дури и да чувствувате бодежи во срцето. Токму тоа ѝ се случило и на Шелби Џонсон, која всушност има историја со претерано ниска телесна тежина за висината. Тоа е и причината поради која таа чувствувала победа откако стигнала до 55 килограми, но за жал нејзиното момче не го чувствувало истиот ентузијазам.
По еден непријатен разговор со нејзиниот дечко, каде што тој ѝ велел дека нејзиниот стомак е поголем од нејзиниот и дека е време малку да ослаби, таа решила да побара совет од Твитер за како да се справи со целата ситуација. Шелби дури се почувствувала толку несигурна во својата кожа што испратила и фотографија од себе прашувајќи го онлајн светот дали навистина е дебела и дали, како што рекол нејзиниот дечко, има „пивски стомак“.
„Дали претерувам затоа што се чувствувам повредена од ова? Целосно сум збунета и не можам воопшто да разберам како некој што вели дека ме сака може да го каже ова“, пишувало над објавата со фотографијата.
Нејзиниот твит брзо станал вирален и Шелби добила неверојатен прилив на љубов, поддршка и совети од илјадници луѓе, вклучувајќи ги и коментарите од неколкумина што ѝ велеле да го „откачи“. Прочитајте ги нивните одговори во продолжение и потсетете се дека ние сме многу повеќе од нашето тело и дека е важно тоа што го имаме во себе, а не тоа што е околу нас.
„Совршена си, мала. Јас имам 56 килограми и со години не сум се променил, а машко сум. Одлична си!“
„Раскини му. Ти се слатка, а тој идеализира нездрава верзија од тебе.“
„По ѓаволите со него. Оттргни се побрзо пред да ти го отруе умот со неговите токсични глупости.“
„Фрли го тој дечко и најди си некој што ќе ти го сака телото такво какво што ти е.“
„Душо, јас бев на твое место. Тој ме тераше да трчам на лента додека плачев и имав напади на паника. Отиди си веднаш. Те молам.“
„Можам да ти кажам точно колку треба да ослабиш откако тој ќе се качи на вага.“
По безбројните позитивни коментари и еден искрен разговор со нејзиниот терапевт, Шелби одлучила да раскине со својот дечко. И не само тоа. Кога тој ги видел сите коментари сфатил дека згрешил и дека немал право да ѝ го зборува тоа. Иако тие веќе не се заедно, тој ѝ ветил дека ќе стане подобра личност и дека веќе никогаш нема да го каже тоа на друга девојка.
Таа сега се чувствува многу подобро и знае дека нејзиното тело е совршено такво какво што е. Исто така и се шегува за целата споделувајќи фотографии со маска на лицето и нејзиниот „пивски стомак“, велејќи дека е горда затоа што препознала лоша врска во првите 2 месеци и веднаш ставила крај на неа.
