Дали и татковците можат да страдаат од депресија по раѓањето на детето?

Дали и татковците можат да страдаат од депресија по раѓањето на детето?

Ерика Ченг од Универзитетот за медицина во Индијана го споредувала процентот на случаи со постпородилна депресија кај татковците и мајките. Таа контактирала 5 центри за грижа на здравјето во Индијана и ги истражувала податоците за родители на деца помали од 15 месеци. Истражувањето траело од 1-ви август 2016-та до 31-ви декември 2017-та година.

Дали и татковците можат да страдаат од депресија по раѓањето на детето?

Биле анализирани податоците од 9.572 клиники. Татковците присуствувале на 30,8% од посетите и притоа одговарале прашалници. Помеѓу татковците кои учествувале, 4,4% имале симптоми на депресија, додека за мајките овој број изнесувал 5%. Доктор Ченг изјавила дека мажите страдаат од постпородилна депресија речиси исто колку и жените.

Која е причината за депресијата на татковците?

Најчесто татковците се под многу стрес поради недостатокот од сон, како и финансискиот притисок. Други причини можат да бидат и тоа што добиваат помалку секс и помалку внимание од страна на нивната сопруга или партнерка. Покрај тоа, депресијата на татковците може да биде поврзана и со депресијата на мајките.

Зошто е важно да се дијагностицира депресијата и кај татковците?

Бидејќи татковците ретко одвојуваат време за нивните основни потреби, не е доволно педијатрите и лекарите да се грижат само за детето, туку треба да им направат евалуација и на мајката и таткото. За жал, се покажало дека 80% од педијатрите немаат никаков тренинг за справување со депресија кај родителите, а сепак третирањето на постпородилната депресија е критично за менталното здравје на детето.

Во 2016-та година биле разгледани неколку истражувања за постпородилна депресија. Се открило дека мајките се депресивни во првите 3 месеци по породувањето, додека депресијата кај татковците може да се појави и по 1 година. Исто така мажите и жените различно ја покажуваат депресијата – мажите често избегнуваат емоционално искажување, не признаваат дека се ранливи, се свртуваат кон алкохолот, гневни се, импулсивни и не бараат помош. Депресивните татковци се посклони да ги удираат нивните деца и многу поретко им читаат.

Примерок од 12.884 татковци покажал дека депресијата кај татковците е поврзана со проблематично однесување кај децата на 3 и 5-годишна возраст.

Кога татковците биле погрижливи, почесто комуницирале и си играле со нивните деца, до 9-годишна возраст овие деца покажувале помалку симптоми на ментални нарушувања.

Кога ќе се земе сè предвид, од голема важност е да се дијагностицира и да се третира депресијата кај татковците што е можно побрзо. Тие треба да бидат охрабрени да бидат физички активни и да си играат со нивните деца со цел да се избегне проблематичното однесување и да се врати емоционалната рамнотежа во семејството.

Прочитајте ги и фактите за татковството кои секој би требало да ги знае.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар