Претходно
Цитати на познатите дами што ќе ви откријат како да бидете сингл
Не е тајна дека да се биде сингл понекогаш може да биде вистински предизвик, особено ако неодамна сте раскинале. Ако сте во фаза по тешко раскинување и се прашувате дали ќе можете да им се вратите на состаноците и на запознавањето нови луѓе, важно е да знаете дека не сте сами. И покрај стравовите и сомнежите што ги имате сега, има многу позитивни работи на кои треба да им се радувате кога сте слободни. Овие цитати на познатите личности ќе ве потсетат зошто е толку убаво да бидете во таа фаза од животот.
„Во денешно време, да бидете жена постара од 32 години и да се забавувате, изгледа како мал политички чин. Под тоа не мислам на дрогирање и шиење затоа што никогаш не сум го направила тоа, туку да бидам луда, да излегувам и да правам што сакам, а не да седам дома и да чекам менопауза.“ – Кејт Бекинсејл
„Мене ми беше навистина забавно сама да одлучам како ќе го поминам своето време. Имав денови кога се разбудував и не морав да правам ништо друго освен она што го сакав. Тоа е нешто што го изгубив со текот на годините. Чувството да имам свое време беше новина за мене.“ – Ема Робертс
„Да се биде сингл порано значеше дека никој не ве сака. Сега тоа значи дека вие бирате со кого и каков живот ќе живеете.“ – Кери Бредшо
„Ако не сум добра кон себе, како можам да очекувам дека некој друг ќе биде добар кон мене?“ – Маја Анџело
„Љубовта на мојот живот се моите деца и мајка ми. Не чувствувам како да ми недостасува маж во животот.“ – Дајана Китон
„Бараме поврзаност, предвидливост и сигурност за цврсто да нè вкоренат. Но, имаме потреба и за промена, за неочекувано, за трансцендентност.“ – Естер Перел
„Времето и сингл животот ве тераат да го гледате светот појасно.“ – Карола Ловеринг
„Седев и ги запишував своите мисли, разговарав со „внатрешното дете“ кое сè уште се крие во мене. Напишав: Мојот живот е само мој. Тие зборови ме натераа да застанам и да заплачам. Оваа реченица изгледа толку очигледно, но сепак не е…“ – Трејси Елис Рос
„Вие сте вашата најдобра навивачка. Не можам да го нагласам тоа доволно.“ – Серена Вилијамс
„Никогаш не правете приоритет од никого ако вие сте само опција за него.“ – Маја Анџело
„Мислам дека не можете да бидете партнер каков што сакате сè додека не откриете што ви треба и додека не бидете комплетна личност сама со себе. Мислам дека тоа е нешто што сите жени заслужуваат да го знаат.“ – Софија Буш
Прочитајте ги овие инспиративни цитати што ќе ви дадат мотивација да соберете сила и да почнете од почеток.
